https://www.incapsula.com/blog/mtu-mss-explained.html
(繼續閱讀...)

kmsheng 發表在 痞客邦 留言(0) 人氣()

  • 個人分類：
▲top

這篇文章受密碼保護，請輸入密碼後查看內容。

(繼續閱讀...)

kmsheng 發表在 痞客邦 留言(0) 人氣()

  • 個人分類：
▲top
這是測試用的公開文章
(繼續閱讀...)

kmsheng 發表在 痞客邦 留言(0) 人氣()

▲top

Cream Puff Union!~強勁量產型腐乳泡芙 滋味推介：
《So’s
Funland復刻版---俚語教室Brunch with Miss
Diamond》
Miss
Diamond：嘩！我地有幾奈無同大家見面呀契仔？
Little
Diamond：我就兩年無出過鏡，您間中響慶典都會客串下丫…
M：哈哈，最緊要大家仲記得我地…今日special版，我地帶大家食好野喎。
L：邊食邊學俚語！…至於今日介紹既呢間餐廳，聽聞係契媽您既朋友開架喎。
M：食下D nuts先，我地有好多appetiser…(咀嚼)佢亦都係SoSo既老朋友，就係星星薯餅開既呢間西天餐廳。
L：嘩！我都唔記得您N年前拍過blog劇添！……咦？係喎，nuts都係個俚語黎架可？
M：唉D陳年往事唔好提嘞，無錯，nuts有瘋狂既意思，可形容人或行為等。
L：咦？呢度仲有好多花生喎，peanuts又有無得解？
M：當然有，佢解低薪，人工低。
L：哈，我就知hotdog可以指賣弄技巧，中意show off既人。
M：唔該晒waiter為我地送上Parma ham，我最中意西天餐廳就係因為呢度乜都有得食。
L：講到火腿，原來佢都係個俚語黎喎。
M：喂細路你呢個硬tag會唔會太夾硬黎？…好啦，等我話你知啦…
L：喂，您都交唔到戲喎！嘻嘻！
M：你理我丫。Ham係指裝腔作勢，好浮誇既人。
L：咁我地面前呢碟菜呢？
M：Vegetable可以解反應慢，甚至零反應既人..又例如呢盤pizza，加兩個z響字尾就有活力既意思。
L：咁呢個熱辣辣既蘋果批無俚語喇掛？
M：咁你就錯喇。將呢個批帶上天變成pie in the sky，有不可及既夢想或渺茫希望既意思。
L：啱啱waitress姐姐為我地送上香噴噴既煎魚，fish，實有得解啦。
M：Fishy解可疑…嗯…脆卜卜，好味！快D趁熱食，咪講咁多。
L：我想學俚語嘛…我仲想知牛肉beef同埋薯仔potato既意思呀。
M：唉，係要打擾我既興致，應付你真係hot potato---棘手既問題。我依家就真係beef緊，抱怨緊呀！
L：呢度D菜食得快，上得快，好快就輪到甜品喇喎。
M：細路，知唔知peach係咩？嘻嘻！
L：我知！係靚女！
M：哈哈！你條友仔擺明響出面溝左唔少女啦…咁泡芙又點解呀？你最中意啦！
L：Cream puff係指弱不禁風、娘娘腔既男仔。唔好以為我係呀…
M：好好丫，全部野食都好好味，一次過試咁多美食，好精彩。
L：Yummy！好多謝西天餐廳贊助支持，請我地食好野之餘，又教左大家咁多俚語。
M：好啦，我飽到講唔到野嘞，係咁啦，有緣再教大家俚語，走嘞。
L：哦，好啦，咁我都同大家講聲拜拜喇，我會好唔捨得你地架！
* * *
虛幻故事純屬虛構
熱切鳴謝：正觀看此網誌的您！
出品人：SoSo
難離難捨：SoCWon
Group
想抱緊些：Cream
Puff Union!~  YouTube
(繼續閱讀...)

kmsheng 發表在 痞客邦 留言(0) 人氣()

▲top

小朋友佳品聖誕臭襪 臭醒你睇：
《So’s
Funland復刻版---一天爛gag王》
低級趣味食字題：塵埃不化作灰，會變成什麼？
答案：陳(塵)奐(換)仁(人)
高級趣味食字題：在霍格華茲魔法學校裡有一位教授叫石內卜。原來還有一位先知，他又叫什麼名字呢？
答案：未卜先知
色即是空食字題：哪種顏色最懂得說笑話？
答案：黑色(識)幽默
變形金剛老吹話之一：如果Transformer無transformer，如果變形金剛無火牛(變壓器)，那麼就算是柯柏文都再走不動了。
變形金剛老吹話之二：如果變形金剛懂化學，那就成為變形K Kwong了。
講起電影小故事：小明走進戲院看電影，發現屏幕很模糊，是他患上嚴重近視嗎？原來他忘了戴3D眼鏡。
超級無謂駁古論：如果三個臭皮匠勝過一個諸葛亮，那麼一個臭皮匠和半個諸葛亮，哪個較強？……你真的會用心去計算？別naïve吧！
唔好意思抽水話：我有位朋友叫阿be，若他學懂畫沙便成為wasabi了。
五音不全歌曲題：陳奕迅的歌「無人之境」，那裡若沒有人，則只會出現什麼動物呢？
答案：如(魚)入無人之境
遠在天邊水果題：哪種水果最古怪？
答案：奇異果
品味潮流時尚題：有位漂亮的小姐名叫Anna，請問她姓？…
答案：ANNA
SUI
球來球往英超題：哪位英超足球員的作賽表現不應看太多，看多了會吃不消？
答案：泰(太)利(膩)
Never
die搖滾題：魚都識唱歌兼打鼓？試舉例之。(恕不接受唱K小魚仙)
答案：本地組合Rubberband的泥鯭
認真mode思考題：全港最細的主題公園在哪裡？
開放答案，參考答案：沙田新城市廣場史諾比開心世界
有緣再見係咁先：如果你看畢以上文字都毫不感到有趣或高興，你應該怎樣做？
答案：大笑兩聲：「哈哈！」
Yeah！爛gag王始終都取得勝利！(…速逃！)
哈哈哈哈...爛爆呀!!!
阿蘇slogan:
"有得笑就笑!"
by So
* * *
虛幻故事純屬虛構
熱切鳴謝：正觀看此網誌的您！
出品人：SoSo
難離難捨：SoCWon
Group
想抱緊些：Cream
Puff Union!~  YouTube
(繼續閱讀...)

kmsheng 發表在 痞客邦 留言(0) 人氣()

▲top
SoSo Blog 製作  清新薄荷味香口硬膠 隆重推出
《2011容祖兒”Loves Singing” YouTube音樂會》
(繼續閱讀...)

kmsheng 發表在 痞客邦 留言(0) 人氣()

▲top

至潮型格鬆糕鞋 特約：
《SoSo
Blog五周年慶典開幕典禮》
(兩位糖黐豆的主持挽著手走上舞台)
利考和：……WOW！好開心呀！我地都係第一次於八月同大家見面炸！
夫人：無錯丫，金牌司儀拍檔。今年我地個老闆SoSo決定暑假後不再寫blog，所以原本十一月舉行既慶典提早於八月進行。咁我地不如就開始今日個show喇好無？
利：好好。不過個名水蛇春咁長，你幫我讀左佢。
夫：嘩！等我吸大啖氣先…聰明仔多用途2.5MB磁碟沿途策動、至潮型格鬆糕鞋特約、SoSo Blog五周…喂無氣呀大佬，唉唔鬼讀嘞，總之係開幕典禮啦！
利：現正開始！先請老闆SoSo上台傾下計。
SoSo：Hello各位！
夫：你好呀，知道你即將離開soso blog，都尊重你決定，但係點解要走呀？
S：哈哈，因為最近真係越黎越忙，忙到無時間打理個blog。索性為接近五年既寫blog生涯請一個長假，畫上一個逗號。
利：知道大半年後會再見你返黎，我自己都無咁sad，呢一年好快過既啫…
夫：係囉，你見我地好似好快又返黎主持慶典就知啦，一眨眼就做左幾年。
利：今次確實無太大愁緒，反而零九年見證So’s Funland落幕，我當時真係喊左出黎。
S：我當時都好唔捨得架，但呢個主題做左年半，總不能永無止境做落去。
夫：明白既，始終有D改變係好既。
S：呢兩年黎都聽過不少人同我講話好中意睇我寫既食字爛gag，有D仲話睇完之後會熄電腦，包保唔會有上網成癮添！
利：睇黎So’s
Funland真係SoSo同我地最中意既主題黎喎，又得到blog友熱烈回響，聽聞SoSo今年慶典打算復刻So’s Funland喎。
S：無錯，因為未來都未必再搞So’s Funland，見係五周年呢D咁值得紀念既日子，重溫返以前既回憶，將經典既So’s Funland再次呈現大家眼前啦。
挑：不過今次都唔係復刻晒全部環節喎。
S：係呀，主要係爛gag同俚語環節，都係我幾中意既部分…至於blog劇果D，就唔刻意去大搞喇。我相信，有緣既，將來會再出現。
利：無blog劇，今次搵黎雲海同當奴，為我們帶來暑假額外一場好戲。
夫：就等我地睇下SoSo日記有咩野寫啦！好期待呢！
S：當然唔少得每次慶典必備既金馬桶典禮，重溫過去九個月既精彩日記。
夫：以及後日由容祖兒Joey為我地打響頭炮既Youtube音樂會，在此先多謝Joey！
利：好啦，咁我地今日個節目巡禮就去到呢度。歡迎大家留意海報節目時間表…
夫：對號入座，準時入黎收睇精彩既節目！亦歡迎留言回應，向慶典大會提供意見！係咁！
利：我地呢對金牌司儀八月十一日再同大家見面！
(舞台燈光熄滅，現場奏起本年度慶典主題曲)
* * *
虛幻故事純屬虛構
熱切鳴謝：正觀看此網誌的您！
出品人/舞台總監：SoSo
天生一對金牌司儀：利孝和   夫人
難離難捨：SoCWon
Group
想抱緊些：Cream
Puff Union!~  YouTube
 
(繼續閱讀...)

kmsheng 發表在 痞客邦 留言(0) 人氣()

▲top

甜到入心草莓味鹽焗芒果布甸 特約：
《五周年業績報告》
恭賀soso
blog誕生五周年！五周年慶典正式開始，以下先公佈本網全年業績結果。歡迎大家繼續留意往後精彩豐富的慶典節目，繼續支持本網！
累積人次：19803
(+3033)
累積瀏覽：36779
(+4381)
網誌：1068
(+72)
圖片：2730
(+305)
回應：1200
(+93)
訂閱者：10
被引用：3
* * *
熱切鳴謝：正觀看此網誌的您！
出品人：SoSo
難離難捨：SoCWon
Group
想抱緊些：Cream
Puff Union!~  YouTube
 
(繼續閱讀...)

kmsheng 發表在 痞客邦 留言(0) 人氣()

▲top
"DJ SoSo 私家音樂部落(最後一集)"
好開心地宣佈,第二輯音樂節目,將於今集正式完結.
雖然今輯只係播左六十幾首歌,但我最滿足既係,我堅持到呢九個月黎每篇日記/entry都附上一首歌,無多無少.所以,就算要我每篇用一小時去寫,都值得既.
哈哈,完埋今集,我又會好似上年咁,放兩個星期大假,響八月中再分享靚歌俾你地.(不過DJ SoSo響慶典某一天會再出現既,留意慶典環節啦!)
至於新一輯節目名叫咩,好老實,暫時都未諗到.
(繼續閱讀...)

kmsheng 發表在 痞客邦 留言(0) 人氣()

▲top
"DJ SoSo 私家音樂部落"
先預告下一集最尾一集,我會播五周年慶典主題曲,換言之,今次係第二輯節目入面最後一首我想分享既歌.再聽下一首流行曲,要等到八月中之後喇.
最後一集想搵D比較抒情柔和既歌.Jason Mraz呢首Prettiest Friend既曲式好啱今集既feel.靜靜地,慢慢地,舒舒服服完結今集.
                                          ---------------------------------------
28/7/11 三號風球
上星期睇過從圖書館借來,Wasabi既兩本舊書,對其中一本有較大既感觸.《讓我在愛上你之前離開》係亮光文化心靈小說系列第二本書.記得去年睇過《在櫻花落下時跟你走》,令我有好大既反省.今次,略嫌個故事有點拖慢節奏.不過,綜觀整個故事,總能滲透出Wasabi寫呢本書既心意.我喜歡讀佢既小說係因為佢寫既野好實在,就算真係有D無可能響現實發生既事,佢都可以寫到好似響現實發生一般.例如《在櫻花落下時跟你走》既「夢想成真網」,個形象好實在.今次個故事講一位可憐既新娘於結婚當天得知新郎撞車成為植物人,響照顧丈夫呢兩件多所發生既事,遇上過又愛過既人等.經過去年既經驗,我估到Wasabi響故事最後會整一個twist.結果,我估啱左,而Wasabi亦成功左,俾到我一個頗震撼既結局.可能我睇得書少,別人讀過呢個故事會覺得佢好平常,好普通.但係我偏偏喜歡呢種寫實之餘又好twist既感覺.尤其個結局.好似世事往往係整定咁.對我黎講,甚至個結局唔單止得一個twist,並且當中安排得既湊巧又妥當,非常獨特,仲俾到我好大既思考空間,因為好似上一個故事咁,我都講唔出到底個ending算唔算good ending,每個人心中有唔同既演繹,我會話,個ending看上去美好,但裡頭有永遠抹不去既花痕.人生總是有點缺憾或遺憾.
「當你努力爭取的同時，你會不顧一切的抓緊。當所爭取的不能得到，或是得到的將要失去，抓緊所有的力氣便不自覺增強。最後，反應力便隨之增強，傷害力亦然。在爭取的過程中，主觀戰勝一切客觀，就連基本的分析力也許會失去，連所爭取的，是否真的該由你擁有，也沒多想。」
選自第257頁既呢段敘述,好有共鳴.Wasabi好識得透過故事反映生活上或心靈上既矛盾,一般既著名作家只會講好偉大既道理,但我從未遇上一位將生活寫得如此細緻.無需花巧,言句簡單,即使平鋪直敘都能夠將道理講得深刻感人.
推介大家暑假閱讀呢本書. https://www.hkreadingcity.net/library/book/index.phtml?isbn=9789881791825
(繼續閱讀...)

kmsheng 發表在 痞客邦 留言(0) 人氣()

▲top
"DJ SoSo 私家音樂部落"
前日,Amy Winehouse證實倒斃家中,終年27歲.對於佢既死,其實我唔覺得太轟動.因為毒后服藥過量而死十分正常.當然,暫時仲未確定死因.無論如何,佢既死對整個樂壇都係一件好可惜既事.
點解我會特登講佢呢?因為佢係第二個我認識而離世既外國歌手.第一個係Michael Jackson呢個唔駛講.不過其實我認識Amy Winehouse比MJ早,當然亦熟悉過John Lennon.當年主動嘗試聽英文歌,即Mika出道時代,Amy Winehouse有一首派台歌,正正屬於我收聽既第一批英文歌.之後,都無乜留意佢,就只係唯一呢一首You Know I'm No Good.
Dear Amy Winehouse, rest in peace.
                                          --------------------------------------------------
25/7/11 炎熱
今日跟舅父舅母逛尖沙咀.事隔一年半,終於有機會再遊iSquare,除左高層之後,所有店舖都開張晒.除左樓上既多間特色餐廳及遷入既hmv係賣點之外,UA IMAX戲院更加好unique.(果間hmv都夠晒誇張,門面望上去以為好細,點知越行越入,D碟多到費事掃,就咁一望已經大飽眼福,不過睇落去,新鋪既影碟始終執得比較整齊既.但係商店中間賣衫既位置真係笑死我囉,乜料呀.)
第一次睇IMAX,好期待呢,本身呢個戲院已經好華麗,拎住IMAX專用3D眼鏡,走入傳說中既IMAX house,個感覺好新奇,好想把握機會了解整個環境,不過眼前既大銀幕真係令我目瞪口呆,我都唔知點形容其之大.我估淨係講高度,都有五至六堵門咁高.至於副眼鏡,又大又重,有D難搞...講返正題啦,哈利波特死神的聖物2,大結局既呢集應該係睇過最好睇既,因為正如坊間所講,今集情節好緊湊.我自己都覺得幾緊張,著眼位固然係哈利波特最後會唔會死啦,佛地魔既下場又會點.故事主線好好,無大問題.反而當中一些支節,例如愛情果部分,會唔會太夾硬黎.先係哈利迅速與榮恩個妹撻著,張秋無端端再次出現並當超級閒角.然後,妙麗同榮恩響抵擋敵人之際竟突然親吻,令我摸不著頭腦.無計,書本情節需要,但電影又唔夠時間鋪排.無論如何,我估,咁樣都算完美掛...
之後行活方商場,我諗即使自己或家人都唔會走落呢個地庫商場.但係呢度裝修得真係幾靚,有無想像過自己行商場係響好軟既地墊上行?無意中更俾我發現一間蘭芳園.呢度唔算大,就去左THE ONE,呢度比較似一個現代化既新式商場,但無奈大廈既cross-sectional area太細,得個高字,所以行呢商場真係得個行字,因為一層既商店不多,但有超過十層俾你行,所以我feel到唔好行.呢度最大特色可能係八樓一間賣家居特色物品既商店.果度既裝設同家品幾有趣,我印象中J2安樂蝸介紹過呢間野.
最後返去打桌球,手風好似順D,都係complete左兩次,仲要有一次係入黑波,勁呀...最後食埋Pizza Hut,飽飽的回家去.
(繼續閱讀...)

kmsheng 發表在 痞客邦 留言(0) 人氣()

▲top

"DJ SoSo 私家音樂部落"
24/7/11 酷熱
經過中五既洗禮,到左暑假已經無乜意識,到左臨去書展前一日先有少少興奮.不過我今次無太大預期,因為今年唔多名人或DJ出書,加上今個暑假無太多時間睇書,書價又因通脹而進一步上升,所以買書果陣都諗左好奈.尤其揀到一D揸唔定主意購買既書,拎本書上手不斷揭,腦海不停諗本書既好壞兩方面,又要就住個荷包,考慮左幾個字,最後都係謹慎地選擇不買.呢個過程其實都幾痛苦...我有時都覺得自己行書展既方式好怪異,人地係逐行逐行慢慢地行,而我係東撲西撲,要先去搵齊checklist上既書,完成任務方才安心繼續慢慢遊逛.無計啦,今日係尾三日,好驚D書賣晒...結果,忍痛放棄黑紙辭典,買左合共七本流行讀物,數量跟以往差不多,但只花三百多元.另外又買左幾本參考書加記憶卡,特登等到書展先買,果本pastpaper solution唔駛五十蚊,就算買左用得大半年仲要超級阻掟都gur D.至於某間鋪賣既記憶卡及USB就真係幾平...今年兒童部發大黎搞,連同電子書佔整個Hall3B-E,原來果度都幾多野睇,並唔單止兒童書及細路...至於宗教區域,自從幾年前無左天主教坊之後,我覺得所謂既心靈書區好散亂,混雜左天主教道教孔教伊斯蘭教乜教都有.所以無乜心機留響度...最後講下D邪野,話說考評局booth以八五折出售文憑試水平參照成績匯報資料套,再望一望原來個booth對正o靚模寫真集booth,笑左.轉個彎仲好笑,司徒法正既booth隔離又有個o靚模booth,我心諗,到底係邊個剋邊個呢?總之呢單野就好邪釘啦哈哈.
今次行書展有D患得患失,因為完埋今次書展,意味住我即將見對公開試.書展係全年一個好remarkable既event,對我既意義好大.到底出年係輕輕鬆鬆,高高興興地行書展,定還是愁眉苦臉,緊張地行書展呢?明年今日,仲未放榜,但應該大概知道自己既成績.有點不安,但祝福自己.
今年buy-list: (不計參考書)
(繼續閱讀...)

kmsheng 發表在 痞客邦 留言(0) 人氣()

▲top
1 2 3 4 5
Blog Stats
⚠️

成人內容提醒

本部落格內容僅限年滿十八歲者瀏覽。
若您未滿十八歲，請立即離開。

已滿十八歲者，亦請勿將內容提供給未成年人士。