DJ SoSo - 考試前最後一遊：沙田－The road to success is always under construction.

"DJ SoSo 私家音樂部落"

點樣形容以下呢位歌手好呢?佢甚少響呢度出現,不過每逢我播佢既歌,都一定係好好聽好好聽既一首.揀既歌,都十分之fresh,好nature.

都係大路D,用勤力黎形容佢啦,因為佢最近派左呢首新歌上電台---無心快意劉德華 Andy Lau

-------------------------------------

Proverbs

24:3		房屋因智慧建造、又因聰明立穩．
24:4		其中因知識充滿各樣美好寶貴的財物。
24:5		智慧人大有能力．有知識的人、力上加力。

24:10

你在患難之日若膽怯、你的力量就微小。

27/5/11 熱

上星期六,難得遇上一個空閒既週末,點都要把握呢個機會,去一去街.因為早幾日睇左郭富城既"C+偵探",覺得好好睇,所以順便去戲院睇埋"B+偵探".而今次目的地,都係老地方沙田.

中午前到埗,先去買飛,再去行無印良品同一田.跟住行返去好運果邊,搵鋪仔買電話保護套同熒幕保護貼,好運既機鋪比我想像中少,最後行左五六間,格一格價,都爭幾遠下.只係隔左幾個鋪位,同一樣既膠套價錢由25蚊變成38蚊,去到另一個街口甚至升到40幾蚊,雖然無乜款,但最後都決定買,因為25蚊真係抵買,我相信大埔昌運一定賣唔到呢個價錢...不過膠套25蚊,連熒幕貼都要25蚊,會唔會太怪?不過見老闆咁辛苦,搞左咁奈先貼好張膠紙,唉,算啦.

趕去UA睇戲,第二集偵探片,開頭多左好多gag位,當然之後氣氛就嚴肅緊張好多啦.彭順主理呢套戲有一種風格,就係唔清楚於鏡頭前道出每一段案情細節,要觀眾自己估.又特別專注講述主角亞探推理既過程,思考既情節刻意拖慢,讓觀眾都一齊諗,一步一步解構案情,呢一點我係幾欣賞既,因為有好多懸疑電影都係得個睇字,由電影帶出案情既破解.反而呢套戲,只要你清晰理解案情,留心睇戲,你至少會七八成理解亞探既思考模式,明白故事既發展.點解我話得七八成呢?因為呢套戲有好幾個位置的確好難明,好深.尤其我剛剛睇左第一集,印象上有好大既對比.因為第一集亞探清楚透露整件案件既起因,果個背景大綱十分簡單,所以100%理解.不過,今次彭順只係集合剪輯既片段,叫觀眾嘗試連貫每段場景,我相信呢一點唔係人人做到.特別係廖啟智飾演既警察於結局被殺死果一幕,好友亞探重聽患有精神分裂既兇手既錄音,好似諗到D野,然後大哭一場.呢一個位我到依家都唔明,估到少少掛,可能係同廖啟智被殺有關.

最後去大眾兜左個圈,又行左連城廣場同新城市5樓既運動鋪,好開心呢!竟然搵到響波鞋街睇啱但唔啱size既果款adidas波鞋.成條波鞋街都話最大44號半,但沙田馬拉松呢度有45囉!真係估佢唔到.好正呀~呢年幾黎我都著緊果對適合行街兼做運動既藍白間色波鞋,仍然好中意,依家著黑色,唔知效果如何呢?

有新手機,無聊拍低[傑仔]送俾我15次功課滿分既獎品.佢真係好中意食田雞,哈哈.點都好啦,多謝您!