在Blog中追求突破《SoSee幻の國》Season02《新疆鴨仔團》#14
Mission14 => 08Halloween---Trick of treat!派生果金!
任務目的:
這陣子香港人要求增加生果金,為聲援他們,凡人蘇今日一身萬聖節戲服,於旺角行人專區玩Trick of treat,但不是要糖,是派生果金!
現場實況:
(凡人蘇)「相信睇到樓上任務目的既觀眾們,都知道今日小弟要做乜野好!今日我扮成喪屍,響晚上西洋菜南街最多人既時候,玩!…」
(鴨仔團)「Trick of treat!」
(凡人蘇找來一位婆婆)「婆婆!萬聖節快樂!Trick of treat!」
(婆婆)「你講咩呀?我唔明喎~」
「你想唔想要多D生果金?」
(婆婆興奮大叫)「想呀!想呀!」
(凡人蘇)「咁我就趁萬聖節,周街都係鬼時,送一袋生果同埋一舊金!…幣朱古力俾你啦!」
(婆婆)「吓?唔駛喇!」
(鴨仔們)「Yeah!成功!」
(凡人蘇)「收左佢啦!(一手將生果推到婆婆手中)裡面乜生果都有,我地走先,再見!」(跑開)
(婆婆呆望着鴨仔團)
(凡人蘇又找來一位小妹妹)「可愛小妹妹!Happy halloween!Trick of treat!」
(小妹妹)「Trick!」
(凡人蘇)「咁寸咀?我就送袋生果同舊金!…幣朱古力俾你啦!你知唔知呢D愛黎做乜架?…」
(小妹妹一手搶走禮物走開了)
(凡人蘇)「唉~真係Trick呀!哈哈哈~」
(凡人蘇再找來一位OL)
(凡人蘇)「Hello!Trick of treat!」
(OL)「呀!~」(走開)
(凡人蘇)「喂!我係人黎架!送”生果金”呀!」
(OL)「嗚~我又唔係阿婆…」
(凡人蘇)「我唔係唐老鴨,唔係派”生果金”,係送生果…同埋…金!…幣朱古力!」
(OL)「我要生果!唔食朱古力!」
(凡人蘇笑言)「好啦!老子今日心情好!俾你!Happy Halloween!記住!Impossible is nothing!I will be back!」
(凡人蘇離開,地上留下一套疆屍戲服。)
To Be Continued.
故事純屬虛構 多謝收看
撰文:SoSee 導演:柯金 監製:夫人 拍攝/剪接:99號仔
P.S.: 睇完請俾D意見!!!亦請支持叱吒903---喪do男do人show!!!
《SoSee幻の國》Season02《新疆鴨仔團》隔周四播出~下集將會於11月6日播出,敬請到時收看~
本輯播出時間及頻道: 隔周四於SoCWon’s Blog既Blog劇頻道.
在Blog中追求突破,所以要看!Chasing breakthrough in the blog, So See!
留言列表