"DJ SoSo 私家音樂部落"
如果部電腦唔係BOMB一聲燒左火牛,我就唔駛今日山長水遠黎到呢度用電腦.上一集先批評過呢度,點知依家就要死死氣過黎.報應...真係第一次因為壞電腦而特登返黎,仲衰過中電腦病毒...電腦壞左,若果有心既話,又唔駛換新機,好快就搞得掂.至於賀blog慶典果方面,若要延期會盡早公佈.
15/7/11 微雨
"那誰"呢首歌派左台差唔多兩個月,開頭聽印象普通.不過,考試後愈聽愈喜歡,愈聽愈感動.尤其當903派左由卓韻芝feature對白既version,真係好打動人心.阿芝話: 想於搜尋引擎打"How to forget someone",當打到"for...",搜尋引擎自動彈出"How to forgive someone".細心地想像當中的情感,配上蘇永康少少哀怨既歌聲,真受不了...仲有平時宣傳廣告由不同歌手灌錄既多個versions,呢首歌真係上半年最正既一首歌,值得為佢寫一篇entry.我亦估計呢首歌有機會於來年樂壇頒獎典禮得獎...聽番黎呢首歌,好容易諗起之前既歌"黑色禮服",幾中意阿公呢種歌唱style,總好過近排玩野既梁漢文Edmond,果首"懶音歌"係古巨基加盟英皇時既影子.
阿芝話,每個人,心目中都有自己既一個那誰.呢句話不期然令我諗番起自己既那誰.我都有一個那誰.曾經於我既生活中穿插,曾經令我既心情大起大跌.曾經陪伴過,亦曾經疏遠過.不過,就好似王菀之所講,即使今天大家不再聯絡,不再見面,無論如何,都要多謝佢曾經帶俾我既一切.
我亦都好贊成余迪偉於一八七二遊花園所講,過去既經歷就由得佢過去.我地應該將佢當作一本書,合上呢本書放入家中既書櫃,某時某刻想懷念過去,才取出呢本書,翻開佢回味.所以,我地根本無須不斷記掛以前既事,記憶係要保留,不過係響腦海既深處.必要時才回顧,甜在心頭.人是喜歡把哀傷無限放大的動物,要擺脫自怨自艾,今天,要抱住希望的心繼續做人.
若舊夢 不堪追
就別問 那 誰
從何時 你學會 灑脫面對
她怎傷害你 可否就當做老天
完整你那 沒挫敗波折一生之旅
功德圓滿 方可愛下去
帶笑歸去
留言列表