close
"DJ SoSo 私家音樂部落"



終於都結業禮,終於都放暑假喇,特登響呢個咁開心既時刻,送一首幾輕快既歌俾大家,我對陳柏宇最大印象就係佢果幾首舊歌,包括幾震撼既你瞞我瞞等等,今次,佢夥拍新人林奕匡,唱出呢首無限.合唱副歌呢part真係好好聽好響亮,暑假醒神晒.

                                                   -------------------------

7/7/11 晴

所謂傳說中的試後活動,根本上就係補課.可惜事與願違,其中兩科選修科都教得好慢,甚至個氣氛好hea,根本不能達到補課既原意.

苦悶左三個早上,終於響尋日有四社話劇比賽睇.不過老實講句,今年司儀D對白真係差到無輪,我覺得唔單止係司儀既問題,寫稿果個人好有問題.全場不停引用詩詞歌曲交對白,成篇野都係抄返黎,仲要懶好笑,一次兩次無問題,但不斷咁做,只會惹人討厭...至於mainpoint話劇方面,難得俾我見到少少愛情元素.我一向都以為男女之間既愛情響呢個保守派比賽係禁忌黎,情況就好似響一間原教旨基督教學校入面講鬼故或迷信野一樣,有關活動一律被ban.所以,當綠社男女主角手握手,對望著,無擁抱無親吻,隔左兩個身位既距離,落幕一刻,全場起哄起黎,我諗當局應該好好反省一下,點解班人見到呢個電影評級為一級既scene會有咁大反應.呢班人咁興奮,其實係咪諷刺?...今年見唔到有咩表現突出既演員,因為其中三個社都有演員失控發瘋既場面,我明白呢個係發揮演技既機會,但由於先前既司儀對白,我覺得更加煩厭...至於有某一兩個社既故事亦都好大路,對於比賽黎講,呢種故事係幾穩陣,但當去到某些情節,就會變得好老套,尤其當我竟然估到接下來既情節,我就知,呢個故事係failure,有D可惜...我並不是偏幫紅社,但認真平心而論,綠社既故事題材幾新穎,但紅社就更加獨特,(雖然亨亨話係抄襲日本卡通片).當講到四個小孩成長後一齊再翻開兒時既願望,果一幕令我打左個冷陣,幾touch下.其實紅社個故事方向幾好,但表現臨尾有點失色,因為我同身邊既人都唔明最後交代D咩,又好似無左個round up,少少爛尾,可以加多一幕令故事更加圓滿,good ending多D.

今日有辯論比賽,其實我一直都覺得呢樣野幾無謂,無論係友校定係本校子民,考完試都想relax下,點解仲要搵班子民黎搞,令佢地咁辛苦呢?如果[guys]無搵佢地,佢地會唔會主動要求[guys]開場辯論比賽呢?...今年既對手係我睇左五年以來最表現最差既一隊,已經無乜刺激性可言,睇到一半,已經估到我校會嬴.之後同brian傾開,都少少認同佢既睇法,就係整體質素下降.我仲好記得幾年前,我校精英雲集,每年總有位高大男生當副辯,一講話就先聲奪人,滔滔不絕,往往令到觀眾激烈地歡呼拍掌,呢個就係氣勢.今年,即使搵到果位出晒名既高材生,遺憾地見唔返昔日既影子,今日既喝采聲都不及往年.可惜可惜...

呢幾日,最開心應該係《雲海。當奴。骷髏頭House of Unbelievable》門票到手,暑假又一盛大節目!只買220蚊樓座,因為驚個show唔好睇,回唔到水.留番100蚊,預少少budget買紀念品都好.(雖然我從未試過於任何show買紀念品)





arrow
arrow
    全站熱搜

    kmsheng 發表在 痞客邦 留言(0) 人氣()