DJ SoSo - 真的反不了－The road to success is always under construction.

"DJ SoSo 私家音樂部落"

每當我遇上一D氣憤既事,我都會聽一Drock歌或者搞笑既歌舒緩下自己情緒.其實上一集,我係想播以下呢首超搞野既歌.我強調,只係上一集啫.今日,我Dfeeling完全唔同晒.無論如何,我都係想大家聽下呢首歌,聽親第一句我都笑.帶來農夫陸永既456wing,唔係,係佢既新歌,韓國勁舞權.

------------------------------------------------

15/1/11 暖

Proverbs

8:20

我在公義的道上走、在公平的路中行．

我明明諗定點寫今篇日記架,我明明決定左全篇以反語形式作出諷刺.但係,今日返到屋企,或者應該係離開營地果陣,我發覺,我寫唔出,亦唔想寫.難道六小時既力量真係咁厲害?足以令我對於整件事改觀?...我唔知.

其實成件事係超出晒我所預期.首要重點係我估唔到cream puff union既資金會缺乏到只係請到六七位導師,仲要有D我睇佢打扮古古怪怪,應該係兼職既.之後成日我地兩方都無乜交流,玩完之後竟然會響cream puff union分享,我覺得自己好似俾人趕走咁...亦有好多野我自己係估唔到.好似今日遇見既導師三位有兩位係好人,好nice.至於果位紅髮女士,我認得佢啦,前年一日一夜俾佢鬧到暈.我本來打算寫篇日記頒個「最佳女主角」俾佢,點知原來佢地冬季制服無show佢地個編號出黎,sosad.

唔駛玩鬼食泥當然係天大既喜訊,轉玩軍事塔都幾有趣,玩繩玩打結玩竹玩水,幾似童軍.可惜我同wanch不停去裝水,睇唔到禮堂裡組長運水既情況.我真係幾唔相信我地組會嬴冠軍.

令我最深刻既反而係團隊繩網.當年睇見隊友響高架上面騰騰震,愈睇愈驚.今年,終於輪到我.做第一隊起行唔知係好彩定唔好彩.憑自己力量慢慢爬上去真係幾驚,尤其係第一次面對身在高處,面前係柱及U釘,身後乜都無.我自己又唔熟悉操作「龍蝦鬚」,搞左好奈先上到去.上到去,果然「高處不勝寒」,勁大風,唔敢踏出第一步.當然始終都要豁出去,頭十步,雙腳不斷震,唔單止係驚,仲係凍.好在,行到一半,攞到節奏,又無咁大風.最後成功過到對面.我到依家都唔係幾相信自己solve到呢個challenge,好似發夢咁.上晝克服左我最大既障礙,彷彿再無野難到我咁.

我要多謝其他組員響下面俾我既指示,我更加特別要多謝組長,凌空響鋼線上面我真係幾驚,多得身邊既佢既清晰指示,又給予我無比既信心勇氣,憑住信任我可以從右邊鋼線大腳跨去左邊,我諗我好難忘記兩個人捉住手響鋼線上慢行既情境.此外,我發現我自己係好易打定輸數既人,有一兩次組長給予指示,我第一時間話唔得,多得佢堅持話得,我先有動力嘗試,結果亦證明佢係啱既.

可能係我克服左難關既關係,我覺得今次經歷真係好過上次好多,我亦得到更多既體會.不過,我依然希望,下次唔好再黎呢度喇please~(actually,今次係最後一次參與訓練營)

By the way,我想講下一D有趣野,就係我覺得前年果度D午飯好好味,D餸好啱胃口.今年D餸就遜色一點,但係個湯依然咁好味哈哈!~(大概落左好多鹽好多味精)

------------------------------------------------

"DJ SoSo 私家音樂部落ENCORE"

我再強調上面首歌係前一日既主題曲.今日返到屋企,我又學到要用另一種思維去諗野,去感受呢個世界,咁樣會樂觀D...或者係當你投入於某件事情上,你既得著會超出想像.依家,我真係好想跟自己講: 我傻仔.