DJ SoSo - 每一天的主題曲 (最後一集)－The road to success is always under construction.

"DJ SoSo 每一天的主題曲 (最後一集)"

28/10/10 忽然寒冷起來

過左接近十一個月,呢個節目終於去到尾聲,DJ SoSo其實都好唔捨得「每一天的主題曲」呢個網誌既音樂環節.差不多一年,都播左百多首歌.其實我唔知到底有幾多人會真心一路播住我推介首歌黎聽,一路睇我對首歌既tag,同埋之後既日記(呢個係我創立呢個節目既原意,為每一篇日記譜上一首獨特既背景樂曲).因為,我總係覺得,D人每次見到呢part環節,就會skip左唔睇,直接落去睇日記.不過算啦,我無乜所謂既,有黎過呢度,我已經好開心好感謝...其實我為呢個節目既開頭同結尾都已經一早部署,第一首播出既歌「海闊天空」係我最喜歡既廣東歌,亦成為呢個節目既真真正正主題曲.至於round up既結尾歌呢,其實都諗左幾首,不過最後,都始終揀返呢首.

其實播呢首歌,都破左我主持節目既慣例,即係同一首歌不能響同一年播放超過一次.我唔記得原來舊年播過一次,唔緊要嘞,反正我都決定左用呢首.巨棒堂 I Love You Boyz

齋睇標題當然唔會知有乜意義,所以,click黎聽聽先(但願你唔會click左之後都覺得無意義啦).我覺得艾粒仔驚人地唱得極度投入,有某D部分甚至令我好感動.聽到最後一句,用呢首歌結尾,實在太美妙...就算唔聽首歌,淨係睇艾粒仔D相,成長中既我見證佢地既成長同事業上既發展,都感到好滿足.

其實除左呢首,我有另一首更有意思,印象更深刻既歌曲,不過因為playlist一早fix好,唔想再播,留返未來睇下有無機會再返番黎播啦~

DJ SoSo今年既播歌任務就到此為止嘞,繼而籌備慶典既頒獎典禮.其實頒獎結果名單一早出左哈哈.到底十二月慶典完結之後,我仲可唔可以以DJ SoSo既身份,響呢度再見返大家呢?咁就要留意慶典節目喇,可能呢個blog會轉主題呢.11月18日,記得入場參加四周年慶典開幕典禮,到時金牌司儀利孝和同埋夫人就會話你聽哈哈!~

「每一天的主題曲」圓滿結束.DJ SoSo唔捨得地講一句: 再見了各位.