27/8/10 再次在晴朗的一天出發 (唔想出現既上學日倒數: 淨番5日咋點算)
過度喜歡寫blog既我一向避免洩露自己既行蹤,所以上次完成理工英文課程先寫有關事情,今次一樣...我見中三加入左呢個組織,但係咁奈以黎都無參加過佢既活動,好似有D唔俾面,為免浪費機會,趁住暑假,一於就報讀佢地既數學奧林匹克訓練班.原本諗住係去演講廳聽講座咁既心態去上堂,點知原來係八九十人逼埋一間細小又焗熱既長房間,而呢間房D設備都不見得特別hi-tech,我唔明點解成個月黎白板D水筆都無晒墨水,竟然無人主動去換晒佢.有位校長導師逢上堂都會扔掉幾枝白板筆,佢上最後一堂果陣明明帶左三枝新既筆,但係佢竟然分唔清新同舊筆,繼續堅持用舊筆寫字,搞到班友睇得勁辛苦,唉,我都唔知佢地做乜...
其實呢個奧數課程分左好多階段,我只係讀第一期,已經俾佢考起.佢雖然分左好多範疇,例如不等式,基礎數論,幾何,同埋組合學等,但係每樣野所牽涉到既techniques都唔係我呢個level既人識晒.問題係我周圍都不乏識得計數既人.(當然亦有一班hea友,狂講"智障",小息又玩啤牌打機).我只好話係地區問題...不過唔該佢地下次寫明對象既資歷啦,課堂內容竟然牽涉到M2數學歸納法,試問在場果位升讀中二既小妹妹,又點會明丫?結果見佢讀左六七八堂,之後失蹤,唔上堂都算,放棄張證書事大,真係可惜...講到所謂既同學,坐響我隔離既,曾經有一位係好認真上堂,會主動發問既人兄,又有一位好叻,乜都識老師講乜都明,但被幾何考起既勁人.我真係好慚愧,因為要上三個小時既課堂,我真係悶透了,完全對奧數失去興趣,我甚至花過半堂時間去諗放學去邊度食野搭咩車返屋企,同埋編排schedule.我從來都未試過頹得咁樣...至於怪人,我就真係大開眼界喇.其實呢度個個男仔九成都係讀書樣(至於我呢,就不予置評喇哈哈),即係戴眼鏡薯髮型安靜無著型衫潮物.我去果層既男洗手間咁多次,從來未見過有人會對住塊鏡梳理頭髮.我自問都甚少響街外整頭髮,但係我覺得佢地完全唔會響洗手間逗留太奈,D動作真係好薯.仲有兩位人兄,我真係不敢恭維.佢兩個都係香港人面孔,其中一位身型較健碩既男士,佢每次都係著沉色裇衫配長牛仔褲.我明白每個人都有佢自己著衫既方式同埋每一種配搭都有佢既style,我無意刻意批評佢,但係佢俾我既feeling,就係佢好似一個阿伯.不過呢個都唔係重點,重點係佢同佢個friend係用英語溝通,我某次坐響佢隔離,真係打左個突.明明生活於香港,講英文?...須知道呢個課程係以廣東話教授,配以英文筆記.佢地明明識聽中文,但係就唔講中文,我幾乎肯定佢地黎自國際學校.(就算係國際學校,都唔駛強制自己響校外都講英文掛).當然,我尊重佢地做法,我無同佢地講野,就由佢地做課室裡既少數群組.
反正呢個課程太多學生,堂堂坐唔同位置,根本好難認識到人.大家本來係陌生人,完左堂,都只會係過路人.坐埋一齊無打招呼,上堂果陣只係傾左兩三句計,落堂都唔講句bye就走人,連叫咩名都唔知.呢種咁既學習氣氛,加上令我質疑既教學方法,真係唔啱我.
待續...
過度喜歡寫blog既我一向避免洩露自己既行蹤,所以上次完成理工英文課程先寫有關事情,今次一樣...我見中三加入左呢個組織,但係咁奈以黎都無參加過佢既活動,好似有D唔俾面,為免浪費機會,趁住暑假,一於就報讀佢地既數學奧林匹克訓練班.原本諗住係去演講廳聽講座咁既心態去上堂,點知原來係八九十人逼埋一間細小又焗熱既長房間,而呢間房D設備都不見得特別hi-tech,我唔明點解成個月黎白板D水筆都無晒墨水,竟然無人主動去換晒佢.有位校長導師逢上堂都會扔掉幾枝白板筆,佢上最後一堂果陣明明帶左三枝新既筆,但係佢竟然分唔清新同舊筆,繼續堅持用舊筆寫字,搞到班友睇得勁辛苦,唉,我都唔知佢地做乜...
其實呢個奧數課程分左好多階段,我只係讀第一期,已經俾佢考起.佢雖然分左好多範疇,例如不等式,基礎數論,幾何,同埋組合學等,但係每樣野所牽涉到既techniques都唔係我呢個level既人識晒.問題係我周圍都不乏識得計數既人.(當然亦有一班hea友,狂講"智障",小息又玩啤牌打機).我只好話係地區問題...不過唔該佢地下次寫明對象既資歷啦,課堂內容竟然牽涉到M2數學歸納法,試問在場果位升讀中二既小妹妹,又點會明丫?結果見佢讀左六七八堂,之後失蹤,唔上堂都算,放棄張證書事大,真係可惜...講到所謂既同學,坐響我隔離既,曾經有一位係好認真上堂,會主動發問既人兄,又有一位好叻,乜都識老師講乜都明,但被幾何考起既勁人.我真係好慚愧,因為要上三個小時既課堂,我真係悶透了,完全對奧數失去興趣,我甚至花過半堂時間去諗放學去邊度食野搭咩車返屋企,同埋編排schedule.我從來都未試過頹得咁樣...至於怪人,我就真係大開眼界喇.其實呢度個個男仔九成都係讀書樣(至於我呢,就不予置評喇哈哈),即係戴眼鏡薯髮型安靜無著型衫潮物.我去果層既男洗手間咁多次,從來未見過有人會對住塊鏡梳理頭髮.我自問都甚少響街外整頭髮,但係我覺得佢地完全唔會響洗手間逗留太奈,D動作真係好薯.仲有兩位人兄,我真係不敢恭維.佢兩個都係香港人面孔,其中一位身型較健碩既男士,佢每次都係著沉色裇衫配長牛仔褲.我明白每個人都有佢自己著衫既方式同埋每一種配搭都有佢既style,我無意刻意批評佢,但係佢俾我既feeling,就係佢好似一個阿伯.不過呢個都唔係重點,重點係佢同佢個friend係用英語溝通,我某次坐響佢隔離,真係打左個突.明明生活於香港,講英文?...須知道呢個課程係以廣東話教授,配以英文筆記.佢地明明識聽中文,但係就唔講中文,我幾乎肯定佢地黎自國際學校.(就算係國際學校,都唔駛強制自己響校外都講英文掛).當然,我尊重佢地做法,我無同佢地講野,就由佢地做課室裡既少數群組.
反正呢個課程太多學生,堂堂坐唔同位置,根本好難認識到人.大家本來係陌生人,完左堂,都只會係過路人.坐埋一齊無打招呼,上堂果陣只係傾左兩三句計,落堂都唔講句bye就走人,連叫咩名都唔知.呢種咁既學習氣氛,加上令我質疑既教學方法,真係唔啱我.
待續...
全站熱搜
留言列表