在Blog中追求突破《SoSee幻の國》Season02《新疆鴨仔團》#28
Mission28 => 全民抗熱---露天食麻辣火鍋
任務目的：
炎熱夏天大家都怕，紛紛開著空調乘涼。今次，凡人蘇要在郊外士多旁露天吃麻辣火鍋，以自己熾熱的身軀呼籲大家少用空調，多為環保！
現場實況：
(凡人蘇)「今次可能係繼食草之後，凡人蘇最辛苦難受既任務！」
(隊長)「今次我地黎到郊外，特登開左張檯，俾凡人蘇打邊爐！」
(凡人蘇)「不過食既就得我，其餘人全部響士多入面吹冷氣飲汽水！哼！」
(隊長)「今日室外三十幾度高溫，凡人蘇仲要食麻辣火鍋！加油呀！」
(隊長把食物放在桌上，開啟電爐)
(隊長)「慢慢歎啦…嘻嘻…」(逕行走之)
(凡人蘇)「雖然我曬住太陽食火鍋好辛苦，但係有我最愛既肥牛，值晒！」
(凡人蘇吞下以麻辣湯底煮熟的肥牛，豎起拇指)
(隊長在士多裡面向凡人蘇大叫)「要食晒D野先走得呀！」
(凡人蘇)「你同我定丫…(抹一抹額頭上的汗)嘩！真係好熱…」
(凡人蘇將肉丸、豆腐、菜和鯪魚球逐件放進口裡)
(凡人蘇)「嘩！…好辣呀！！！食到我流眼淚水喇…嘩…麻痺…」(笑)
(隊長)「好慘呀佢…」
(凡人蘇)「水！俾支水我！(一手抓起旁邊的冰水倒進口裡)嗗碌嗗碌…」
(隊長)「繼續加油呀！你仲有半份食物咋！」
(凡人蘇)「唉！我依家個身好似俾火燒咁，好想打人發洩呀！」
(隊長)「捱埋佢呀！」
(凡人蘇繼續夾起肥牛)「其實…(吞下肥牛)曬住食火鍋…(再吞下肉丸)並唔係問題…(再吞下豆腐)最衰係個麻辣湯底！嘩…(狂喝冰水)攞你命！」
(隊長)「個湯底響九龍城著名火鍋店買番黎，掂啦梗係…」
(凡人蘇)「Ush！我要繼續！…」
(凡人蘇最後把所有食物吃光了，大呼一口)「唉…」
(隊長走出士多)「點呀？見你好簡單食晒D野，不如升level，飲埋D湯佢啦！」
(凡人蘇)「(憤怒)你都忽忽地既！我已經又熱又辣，想即刻沖個凍水涼，你仲叫我飲辣湯？！飲左我條喉嚨唔駛要囉！」
(隊長笑言)「講上笑啫，你飲左，呢個節目就玩完架喇！」
(凡人蘇)「唔得！我要吹冷氣！」(跑進士多)
(隊長笑言)「唉，其實咁熱點會唔開冷氣丫，不過始終環保，開少D最好。凡人蘇今日話俾大家聽，露天食麻辣火鍋比一般熱天氣更酷熱10倍，佢都忍受到，大家無理由忍受唔到丫…」
(凡人蘇從士多探頭出來大叫)「無錯！記住！Impossible is nothing！We will be back！」
(隊長立即跑進士多和凡人蘇乘涼，出面的桌上留下一盤麻辣湯底。)
To Be Continued.
故事純屬虛構 多謝收看
撰文：SoSee 導演：柯金 監製：夫人 拍攝/剪接：99號仔
《SoSee幻の國》Season02《新疆鴨仔團》逢每月第一及第三個星期四播出~下集將會於09年7月16日播出,敬請到時收看~
本輯播出時間及頻道: 隔周四於SoCWon’s Blog既Blog劇頻道.
在Blog中追求突破,所以要看!Chasing breakthrough in the blog, So See!
留言列表