在Blog中追求突破《SoSee幻の國》Season02《新疆鴨仔團》#24
Mission24 => 復活節快樂---雞農場捉雞蛋
任務目的：
復活節的其中主角是復活蛋。今次，凡人蘇要做復活節餘興節目，冒險到雞農場捉新鮮雞蛋？
現場實況：
(凡人蘇)「今日凡人蘇親親大自然，呢次任務好精彩，又好特意！」
(隊長)「無錯！危險性暫時難以估計。希望你加油！」
(凡人蘇)「今日我地請黎特別嘉賓---昌叔！」
(昌叔)「係！…你好！…」
(隊長)「好！我地進入農場！」
(鴨仔團進入雞農場)
(隊長)「由於衛生安全問題，所以一如以往，我地唔會入去，只會遠距離拍攝。凡人蘇會着件成套防衛衣服，確保安全，抵抗禽流感！」
(凡人蘇着起保護衣)「好！昌叔！帶我入去！」
(凡人蘇跟着昌叔進入雞欄)
(昌叔)「係呢度喇！(指着一羣雞)…呢D雞入面有好多雞蛋，你睇下捉唔捉到？」
(凡人蘇)「我戴燒烤手套咋，D雞會唔會啄我？」
(昌叔)「唔知架，你最好同佢地打好關係先！」
(凡人蘇接過昌叔手中的飼料)「好！餵你地食野先！」
(凡人蘇把飼料拋進雞羣中，雞羣爭相搶吃食物)
(凡人蘇)「好啦，我幫你攞走D雞蛋啦！唔好啄我呀！」
(隊長大叫)「喂！你既目標係5隻！」
(昌叔)「哈哈…」
(凡人蘇伸手探進雞羣，發出可怕的聲音)「o撕…救命…」
(昌叔)「小心我D蛋呀後生仔…」
(凡人蘇突然大叫)「啊！好似有野啄我呀！」
(凡人蘇立刻縮手)「好在捉到兩隻蛋！」
(昌叔)「你隻手唔好隊入去太奈，D雞唔攻擊你先奇。」
(凡人蘇)「再黎！…我…攞起！…啊！」
(雞蛋裂開了！蛋液流到凡人蘇的手)
(昌叔)「唉！算啦算啦！」
(凡人蘇)「唔好阻住昌叔喇！唉真係唔好意思，打擾晒…(細聲)走！走！走！」
(晶叔看着凡人蘇離去)「喂！…」
(凡人蘇)「嘩，今日我沖涼要沖得好乾淨，好彩擺脫左昌叔，唔係佢要我賠錢就大鍋！好！雖然我只係捉到兩隻雞蛋，但係要記住！Impossible is nothing！I will be back！」
(鴨仔團趕快回家洗澡，地上留下一件保護衣。)
(遠處的昌叔自言自語)「雖然個後生仔打爛隻雞蛋，但係依家已經無乜後生既，會肯做咁辛苦既工作，佢都算好野！」
To Be Continued.
故事純屬虛構 多謝收看
撰文：SoSee 導演：柯金 監製：夫人 拍攝/剪接：99號仔
P.S.: 睇完請俾D意見！！！亦請支持叱吒903---喪do男do人show！！！
《SoSee幻の國》Season02《新疆鴨仔團》逢每月第一及第三個星期四播出~下集將會於09年5月7日播出,敬請到時收看~
本輯播出時間及頻道: 隔周四於SoCWon’s Blog既Blog劇頻道.
在Blog中追求突破,所以要看!Chasing breakthrough in the blog, So See!
留言列表