在Blog中追求突破《SoSee幻の國》Season02《新疆鴨仔團》#18
Mission18 => 迎09---幫姨姨掃街
任務目的:
09年來臨,凡人蘇要一吐08年的烏氣,親臨市區幫清道姨姨掃街!希望除去08年霉氣!
現場實況:
(凡人蘇)「08年真係倒霉既一年。今日,09年終於來臨,睇下我一陣間掃地之後,香港會唔會好番?」
(隊長)「09年都黎到,市道仲未復甦。連清道夫做工都辛苦D。凡人蘇今日幫佢地。俾佢地抖下…」
(凡人蘇)「咦?對面有位清道夫,等我走過去幫佢掃先!」
(凡人蘇跨過鐵欄,奔往對面馬路)…
(清道夫)「後生仔,你唔好阻住我開工啦!我仲要搵兩餐,唔想無左份工呀!」
(凡人蘇)「我幫你掃一個街口啫,唔駛驚!…」
(清道夫)「行開啦,新年未到我唔想俾人炒…你唔走信唔信我攞掃帚趕你走?」
(凡人蘇故作鎮定)「得得得…新年快樂…」(急速「閃」走)
(隊長)「好唔掂喎你…快D搵個新…」
(凡人蘇)「前面有位姐姐洗地,等我幫下佢先!」…
(清道姨姨)「後生仔…你掂唔掂架?…條水喉好重架喎…」
(凡人蘇舉起水喉)「OK!我射!我射!Wow~好爽呀!」
(凡人蘇不斷向地上灑水)
(隊長)「本來諗住掃街,點知最後係洗街…」
(凡人蘇)「好彩我着左保護衣物,水花彈唔到我…」
(旁邊的清道姨姨暗笑拍手)
(情況看似很順利,但過了幾分鐘…)
「哎呀!濕晒喇…」(凡人蘇絆倒在水喉之中,水花濺到其身上)
(鴨仔團)「嘩!哈!…」(笑聲不斷)
(凡人蘇)「D水乾唔乾淨架?…好咸呀…好核凸…」
(隊長)「返去沖涼啦你,唔好行近我地呀!…」
(凡人蘇)「唉…唔玩喇,劈炮唔撈!阿姐,俾番你!」
(清道姨姨)「後生仔,都話你唔掂啦…」
(凡人蘇)「…唔緊要,今次失敗,下次實得!記住!Impossible is nothing!I will be back!」
(濕透了的凡人蘇與鴨仔團一起回家,地上留下一條放着水的水喉。)
To Be Continued.
故事純屬虛構 多謝收看
撰文:SoSee 導演:柯金 監製:夫人 拍攝/剪接:99號仔
P.S.: 睇完請俾D意見!!!亦請支持叱吒903---喪do男do人show!!!
《SoSee幻の國》Season02《新疆鴨仔團》逢每月第一及第三個星期四播出~下集將會於09年2月5日播出,敬請到時收看~
本輯播出時間及頻道: 隔周四於SoCWon’s Blog既Blog劇頻道.
在Blog中追求突破,所以要看!Chasing breakthrough in the blog, So See!
留言列表