第一次講亞視,就要鬧佢...唉......
話說當全世界於二月尾正等緊「斑馬在線-三三再見」既時候,兩位主持無端端行番出黎話要24號隻「斑馬」先「回線」,點解?因為個時段畀左幾個新人做一個台海節目.吓?咁都得?明明話係3月3,黎到又話要三個禮拜後?...十足十D老細遲出糧,又大搖大擺坐o係度話無錢咁,真係奈你唔何...好心啦,如果唔係3月3做,就唔好一口話3月3返番黎啦...實在令人失望...
新節目又真係幾搞笑,星期一至星期六都有得睇,星期六喎,咁得意?!定係為左搏收視?...你又話HK夾o係兩岸中間,但實在,又有幾多HK人專注研究兩岸呢?...我反而覺得呢D節目,一星期一至兩次就夠晒了~~~
至於幾位新人,oh,一睇到佢地個trailor,就嚇到我...唔知,以為係航空公司幾位空姐賣廣告......我真係想問下,到底佢地做節目時會唔會著住呢D咁既衫?!...喂!呢D十足十兒童節目,或者係教育電視,你幾時會見到有個女長官(都唔知係咪長官了">.<")同你介紹兩岸知識?嘩!世界變了~
算,橫豎我都唔會睇,咪等下24號斑馬「回線」囉~(是真是假24日自有分曉)
斑馬呀斑馬,究竟我地幾時再見?!
P.S.:今日(4/3/08)連posts,URL: http://hk.myblog.yahoo.com/socwon-kitchen/article?mid=1142&prev=-1&next=1140
全站熱搜
留言列表