"DJ SoSo 私家音樂部落"
Proverbs
8/4/11 熱
事情要追溯回星期日.我跟brian一心去遙遠既將軍澳運動場睇本地甲組聯賽榜首大戰南華對傑志.點知朝早發現門票已一早預售,優惠票售罄,已經好擔心.60蚊飛唔緊要,問題係我唔想山長水遠去到果度先食閉門羹,浪費時間精力金錢.結果,我地由將軍澳港鐵站行左一大段路去到球場既box office,發現一大班阿叔響門前起哄,原來我地早半小時到場,但門票於一小時前售罄,bye.沿路行過黎都係無遮無擋,響大街上又曬又熱,已經滴晒大汗,當知道入場失敗後都唔知作出什麼反應.失望就一定架喇,只係唔知跟住做乜好,難得約左brian出黎,又無理由就咁返歸丫...於是行上去坑口站(原來呢邊近好多,又好行D),最後決定先去兜一轉日出康城,再去筲箕灣.
日出康城真係只係一個豪宅區,經過一條長天橋,去到日出公園.我地從後門入,呢個公園表面分左主題,甚至有寵物公園,但其實無乜特別,而且星期日呢個時間公園靜幽幽,好悶,好單調.好快就走左,去到筲箕灣.走入左一間細小既舊書店,真係豆腐潤咁細.發現初中電腦書,又見到雲海既遊記,仲有大把漫畫,好有趣.我都係第一次走入呢種二手書店...之後就搭電車,去到筲箕灣總站,行左街市一轉,同大埔墟富善街無大分別,只係條路窄到只能同時容許兩人穿過,太逼唔敢再逗留.又由總站搭電車,坐呀坐,坐呀坐,坐左個幾鐘,去到上環總站.依家諗返,我發覺原來自己都幾得閒,明明之後有兩個測驗,竟有閒情逸致去遊電車河.不過,我無後悔.呢次係我懂事以來第三次坐電車,可以坐足全程,好滿足,幾有成功感.我知道,平時跟家人一齊,一定無可能會咁做,哈.
更加值得紀念既係我大約六七年無到過上環一帶,包括久違既西港城.今次響西港城商場地下穿過,算係到此一遊啦,但我真係唔敢走上樓上,因為呢個地方真係唔屬於我呢個年紀既人,唔係話樓上係咩disco夜總會,而係樓上主要係賣布料服飾,同埋餐廳,就算係去都係跟住家人一齊上去好D.所以,好快又走lu...仲有信德中心呀,我想再黎呢度好奈喇,當年曾響呢度食過午餐既澳門茶餐廳依然存在,只係裝左修.brian唔中意行商場,所以就返去尖沙咀食夜晚果餐.
好攰呀,亦都好肚餓.響K11食"大叻"越南河粉,價錢尚算合理.諗諗下,原來我都未認真行過呢個商場,我真係要搵個時間搵個機會好好逛逛呢個商場,影下相都好.
坐火車回家,望見電視,新聞報道一班阿叔企響公路旁窺視球賽,好波.不過南華最後淨輸兩球,我嘗試說服自己,呢場波睇左都唔開心啦,不睇也罷...但我其實真係好想參觀一下呢個新建既球場架!將來一定要再去一趟.
最後送上呢首歌俾自己.原因除左係吃閉門羹外,仲因為星期三化學SBA測驗表現得好差好差,一大原因係剛剛考完一小時數學學科評估,腦袋既化學RAM已被清洗.所以,我係失落,但唔會太怪責自己.當我知道自己因為太攰,唔小心睇漏題目後,我都無話可說.獨自回家,一笑置之,還是強顏歡笑?
"我是憤怒"係第一首用黎發洩既歌,第二首係"金屬狂人".多謝Beyond.
Proverbs
| 16:8 | 多 有 財 利 、 行 事 不 義 、 不 如 少 有 財 利 、 行 事 公 義 。 |
8/4/11 熱
事情要追溯回星期日.我跟brian一心去遙遠既將軍澳運動場睇本地甲組聯賽榜首大戰南華對傑志.點知朝早發現門票已一早預售,優惠票售罄,已經好擔心.60蚊飛唔緊要,問題係我唔想山長水遠去到果度先食閉門羹,浪費時間精力金錢.結果,我地由將軍澳港鐵站行左一大段路去到球場既box office,發現一大班阿叔響門前起哄,原來我地早半小時到場,但門票於一小時前售罄,bye.沿路行過黎都係無遮無擋,響大街上又曬又熱,已經滴晒大汗,當知道入場失敗後都唔知作出什麼反應.失望就一定架喇,只係唔知跟住做乜好,難得約左brian出黎,又無理由就咁返歸丫...於是行上去坑口站(原來呢邊近好多,又好行D),最後決定先去兜一轉日出康城,再去筲箕灣.
日出康城真係只係一個豪宅區,經過一條長天橋,去到日出公園.我地從後門入,呢個公園表面分左主題,甚至有寵物公園,但其實無乜特別,而且星期日呢個時間公園靜幽幽,好悶,好單調.好快就走左,去到筲箕灣.走入左一間細小既舊書店,真係豆腐潤咁細.發現初中電腦書,又見到雲海既遊記,仲有大把漫畫,好有趣.我都係第一次走入呢種二手書店...之後就搭電車,去到筲箕灣總站,行左街市一轉,同大埔墟富善街無大分別,只係條路窄到只能同時容許兩人穿過,太逼唔敢再逗留.又由總站搭電車,坐呀坐,坐呀坐,坐左個幾鐘,去到上環總站.依家諗返,我發覺原來自己都幾得閒,明明之後有兩個測驗,竟有閒情逸致去遊電車河.不過,我無後悔.呢次係我懂事以來第三次坐電車,可以坐足全程,好滿足,幾有成功感.我知道,平時跟家人一齊,一定無可能會咁做,哈.
更加值得紀念既係我大約六七年無到過上環一帶,包括久違既西港城.今次響西港城商場地下穿過,算係到此一遊啦,但我真係唔敢走上樓上,因為呢個地方真係唔屬於我呢個年紀既人,唔係話樓上係咩disco夜總會,而係樓上主要係賣布料服飾,同埋餐廳,就算係去都係跟住家人一齊上去好D.所以,好快又走lu...仲有信德中心呀,我想再黎呢度好奈喇,當年曾響呢度食過午餐既澳門茶餐廳依然存在,只係裝左修.brian唔中意行商場,所以就返去尖沙咀食夜晚果餐.
好攰呀,亦都好肚餓.響K11食"大叻"越南河粉,價錢尚算合理.諗諗下,原來我都未認真行過呢個商場,我真係要搵個時間搵個機會好好逛逛呢個商場,影下相都好.
坐火車回家,望見電視,新聞報道一班阿叔企響公路旁窺視球賽,好波.不過南華最後淨輸兩球,我嘗試說服自己,呢場波睇左都唔開心啦,不睇也罷...但我其實真係好想參觀一下呢個新建既球場架!將來一定要再去一趟.
最後送上呢首歌俾自己.原因除左係吃閉門羹外,仲因為星期三化學SBA測驗表現得好差好差,一大原因係剛剛考完一小時數學學科評估,腦袋既化學RAM已被清洗.所以,我係失落,但唔會太怪責自己.當我知道自己因為太攰,唔小心睇漏題目後,我都無話可說.獨自回家,一笑置之,還是強顏歡笑?
"我是憤怒"係第一首用黎發洩既歌,第二首係"金屬狂人".多謝Beyond.
全站熱搜
留言列表