DJ SoSo - Sports Days in the end－The road to success is always under construction.

"DJ SoSo 私家音樂部落"

聽聽收音機先知,今日係哥哥張國榮死忌.係喎,我差D都忘記左.咁又一年嘞,我並非特別迷上哥哥,到不期然想想,到底哥哥留低左乜野俾我地呢?

一追再追...雖然今晚眾多演藝人都忙住做日本震災籌款燭光晚會,但我相信,不少人仍然唔會忘記你.都唔係第一次懷念你嘞,都無乜野好講.最後一句,祝您愉快.

-------------------------------

1/4/11 晴

人生最後一次中學階段既陸運會.

第一日我自己無比賽,響看台上企足全日.第二日朝早有鉛球及跳遠,就響地面hea左半日...特別既係今年夥拍billy仔,去搵一D唔駛玩啦啦球既位置,淨係要敲沙搥.結果,我今日完全無掂過草球,哈哈,超正.沙搥成為我地既「武器」,因為只要揸住佢,並且企響較後較高既樓梯位,我地就唔會被安排入一片啦啦球海之中.更加搞笑既係,我同billy一齊發掘左一個「萬能beat」,足以應付八成啦啦隊歌曲,因為試過一次過於八首歌中敲同一拍子,竟然好match!我地個感覺係班cheerleaders配合返我地既節奏添,太有共鳴喇.

第二日既接力賽真係幾好睇既,開頭三場都係紅社嬴冠軍,原本諗住紅社有機會突圍領先啦,但聽到宣佈賽果話紅社其中一隊係攞第一,但另一隊只係第七或八,反而橙社實力平均,約第二至第五,心覺不妙.結果,最後一次齊齊跑都跑埋,我自己盡晒能力.點知紅社最後都以幾分不敵橙社,再次無法取回全場總冠軍殊榮,有D唔抵.

不過在我立場,我自己較為著重於啦啦隊果方面.中一入黎,聽見紅社連續十二年係啦啦隊冠軍,覺得好勁,點知第一年入黎,紅社就輸左.我覺得自己係罪魁禍首黎架.所以,真係好想響最後一年,陪伴紅社重奪冠軍,咁既話,我都安心「去」喇...結果,大會宣佈紅社真係攞到啦啦隊冠軍,我係從心底裡興奮得叫出黎,成個沙搥俾我打到爛咁滯.真係好開心!呢種先係真正投入既情緒...呢個獎,係屬於大家,比全場總冠軍,更有意義.

呢幾年黎,見到紅社中衰,橙社爬頭,藍社掘起,我有一刻諗過,做橙社人都幾好.不過好快就打消念頭.我自問並非忠誠既人,但自少係個光明正大既人.當初中一知道四社制度時,雖然入社安排既權利響校方手上,我無權選擇入咩社.但果陣,我自己心中已經揀選紅社.結果,我真係加入左呢個當時我視為「葛來分多」既紅社,跟「史奈哲林」橙汁抗衡.哈哈,都幾有趣幾好笑.

今年將聚焦點放在一班步操既風紀隊,但無刻意睇邊個出錯.閉幕禮歷時45分鐘,我知道班友離遠睇落去肅穆直立無恙,但其實有苦自己知,我好替佢地感到可憐.因為果位嘉賓竟然重複三年前同一場合講過既「時間管理」.總之,多謝晒你地啦.

響最後既閉幕禮,我有一刻唔捨得運動會.因為,我知道,未來好難會返番黎.仲有咩野可以回憶返當日既情景呢?

Ole Ole Ole Ole We are the LIGHT We are the brightest!~

Proverbs

15:19

懶惰人的道、像荊棘的籬笆．正直人的路、是平坦的大道。