DJ SoSo - 雨天下的花卉展覽－The road to success is always under construction.

"DJ SoSo 私家音樂部落"

除左謝安琪,容祖兒外,其實仲有好幾位本地女歌手我都幾like.我其實好想響呢度熱捧佢地.可惜佢地好聽而我又經常loop既歌不多.終於等到呢位女仔新既派台歌.上次播佢既歌好似係八月"最後一秒鐘",係舊歌黎.依家聽新歌,好似感覺到新一個style.

By the way,呢段youtube後尾果part製作得幾靚,好有心機. 雞蛋愛石頭吳雨霏

------------------------------

箴言 14:29 緩於發怒的人，必甚有見識；脾氣暴躁的人，必大顯愚昧。

18/3/11 微雨

今年維園既花卉展覽好似早左,展覽日子亦好似短左.呢兩星期我真係太忙,其實差唔多搾唔出時間出去.不過,我個人係好迷信既人,覺得呢幾年次次都有去,今年唔去唔太老黎.或者話係習慣啦,總之覺得要去一次,落雨都好.結果,星期五一放學,響毛毛細雨下坐車出香港.

去到天后,都係落雨.人流真係少之有少,不過無想像般咁差,至少俾我見到仲有人會買飛入場.入到去,冷清得黎都有D人,尤其係剛放學,仲著住校服既學生.如果在於我地學校既立場,唔知領導人又會唔會認為呢D叫「放學後在街上遊蕩」呢?...賞花要緊,落住雨,其實幾難真正近距離觀賞花朵,只能好宏觀好全面地睇整個佈置,靚或者吸引既就影相,外表普通既就skip.可能真係少人既關係,今年竟然覺得好快就由天后走到銅鑼灣,完全唔感到疲倦.走動空間大得多,行起黎都舒服得多.最後,圍繞整個維園展場兜左一個半圈,就去左銅鑼灣食上海野,最後仲去埋SOGO買最愛既cream puff食!SOGO超市長時期熱鬧,又多試食,正!

By the way,我想講今年D佈置無上年咁精彩,或者真係落雨掃興關係,不過有一點可以肯定,就係展覽內名為「動物音樂會」既區域,果度D動物竟然同上年相似,包括果隻八爪魚,直頭一樣,只係多左個敲擊樂器,創意度存疑.不過銅鑼灣門口果部鋼琴就真係好靚...下年花卉展覽正值公開考試之時,不知我會否有機會再去呢?