DJ SoSo - IE你個S,遊走第一回－The road to success is always under construction.

"DJ SoSo 私家音樂部落"

竟然係最近先認識呢位女歌手,但原來佢有好多歌都好hit,過往經常響電台jingle中熱播,有好幾首都係我聽過,有D印象既.好似"No One"呢首,當我聽到副歌先發現,哦!原來係妳!原來就係妳.佢其實真係好紅,只係我見識少啫.今集送上佢其中一首十分著名既歌曲,Alicia Keys - Try Sleeping with a Broken Heart

----------------------------------

我不知有沒有機會寫一篇網誌記述nba金塊的轉會新聞,暫時先放下這段於facebook和twitter的個人信息:「隨著安東尼等人的離去,我只可以講,我不再是安東尼的fans,也不再是金塊的fans,更加不可能是紐約人的fans...不過,我仍會懷念這數年來對金塊的迷戀, What a sad moment...現在,專心酷愛波士頓,Playoff final見.」

Proverbs

12:1

喜愛管教的、就是喜愛知識．恨惡責備的、卻是畜類。

25/2/11 回暖

終於有時間寫短短地既blog...

星期六,雖然落住毛毛雨,天氣唔穩定,但睇左天氣報告,擔心星期日天氣會更惡劣,於是當日決定前往當地做IES實地考察,考察D乜?其實我都唔係好知.反正我原本諗住做野事小,行街事大丫嘛,最多咪遊走街道四周,搵下有D咩有趣野,影低佢,再影一張有我個樣既相,證明我有黎過,唔係上網search圖.

去到當地,雨落大左,不過都可以做到工作既,只係麻煩D.當地俾我既市區感覺尚存,只係無以前咁熱鬧喇,因為不少商鋪已被市區重建局收回,我想搵果D舊式戲院,一早執左.好彩個臨時小販市場仲響度,食粥食飯睇佢咋.我真係好怕醜,好唔想做訪問,但唔做又怕好低分.唉...

呢度真係有D地道特色野既,就例如由一條好長既街道形成既街市...又有間藥房門外竟然有位著住白色圍裙定係廚師服裝,頭戴廚師帽既男人,響度切花生糖等小食...走入狹窄既臨時小販市場,無顧客,但見到更多既衣物店...呢邊市場人煙稀少,對面街既市場就人山人海,賣涼茶賣栗子既商鋪依然存在,但人們走入呢條暗巷主要並非光顧,原來係方便由巴士站行出去大馬路(反之亦然).呢度行出去,係捷徑前往通向商場既天橋(點解我知?因為我都係咁做囉)...

呢D或者唔係D乜特別野,但對我黎講就幾匪夷所思,當然,我對當地既認識仍未夠深,返到屋企研究重建地圖,先發現原來仲有D地方未影相,除此以外,今次我雖見到不少值得保存既畫面,但基於太多行人及私隱問題,我唔敢膽影相,驚俾人打.或者下次去會搵機會再影多D.

最後花絮: 最愛beard papa既cream puff於當地jusco旁既分店(一早?)已搬往地鐵站出口,志同道合既弟兄請留意...鐵路迷,見到以下景物,應該知我去左邊度啦.