DJ SoSo - 最後一次家長日－The road to success is always under construction.

"DJ SoSo 私家音樂部落"

Proverbs

11:30

義人所結的果子、就是生命樹．有智慧的必能得人。

18/2/11 雨紛紛

寫緊呢篇日記既時候,聽呢首歌,幾啱feel.梁靜茹可惜不是你

將林村既經歷放響xanga度,特登延長多一日,結果係無人睇過.有點失望,但不感意外.響facebook上漫無目的地流連,竟見班友吹水,而佢地既語言或說話係我完全唔明的.有點落伍?不,佢地講既野,真係佢地先會知道,我呢個外人搭唔上嘴.可能係我轉數慢,又或者佢地太潮.其實根本上佢地係講緊D無聊低b野...所以,其實我真係唔係幾認同社交網站,佢並非促進人之關係,以係將人拉遠.不過我從來都無為此而唔開心架,因為我知道,佢地出到黎社會,就唔會講呢D野.我相信,我既視野比佢地闊好多.當佢地msn facebook打機玩成晚,響精神上得到刺激,我遊覽各地聽音樂聽電台,響心靈及智慧上則得著成長.唔中意打機既我知道,我既生活比佢地好好多...諗起同輩會困擾,但諗番起自己一個人,其實又無乜野.都係快快趣入大學好.

人生最後一次家長日,[ms kinder]依然係爽快既處事作風,我淨係講左句:"無野講".坐左唔緊一分鐘就走得.理科[guy]果然唔同,跟樓下文科[hoho]真係爭七條街,因為有成七個子民排緊隊等候,估唔到佢黎到家長日都會繼續離題,哈哈.

果然,果然,一切在我預算之內.中文真係要迎接一個括號.係我人生第一次成績表有不合格既分數.心情反覆?又無我當初以為咁震撼,因為事隔一個月,好多野都忘記.我甚至當今日係假期,完全無諗過拎成績表既事...今日得知成績,"哦."一聲便算.我做事係容易放錯focus的,我最想知道既,就係我經濟科跟最高分數爭幾遠.我假設對方來年成績不變,我來年要考到98分先有機會爭奪分科獎.bye~攞唔到獎唔係大問題,無資助報考出年既國際聯校學科評估先至係大問題.我諗我都只可以參與一次英文作文考試,120蚊,聽落幾有趣,但真係好無謂.

世事真係怪,當我將自己同其他人比較,其實我既成績唔係太差.但同我自己比較,從各方面,包括經濟科,我都覺得自己退步了.其實有D位置,我甚至係收卷後不滿意的,但現已忘得一乾二淨.

驚喜呢?唔係無既,但唔大囉.例如M2今年課程較易,所以有進步係合理既...最大滿足,可能係當初數學第一次測驗(圓型幾何)炒到仆低,到考試力挽狂瀾,當時我做好其他問題,淨低20分鐘對住幾何問題,我同我自己講,一定要做低你.最後,考試只扣了個位數字既分數.而呢個分數,亦足以將我從低谷拉到高峰,竟然摘下top10%.其實係咪神蹟黎?!開端跟結局既反差會唔會太大?!

Road to HKDSE. Road to CUHK. Road to success. Best wishes.