DJ SoSo - 好中意守樓梯－The road to success is always under construction.

"DJ SoSo 私家音樂部落"

嘩!我心愛既Avril Lavigne,佢既新碟"Goodbye Lullaby"將於三月八日全球發行!正呀!!!我等左佢既唱片三四年喇,佢明明係我聽英文歌既始祖,但係我竟然到依家仲未買佢既唱片,真係幾諷刺.無計啦,佢出幾張碟已經賺大錢無憂,呢幾年不斷出日本version同埋3in1唱片組合就得,呢幾年黎都無聽過佢既新歌.

呢首歌本來年三十晚到手,不過新年喎,播呢D咁邪門既歌好似幾唔「老黎」,終於留到依家先播.今鋪仲唔俾我大聲爆句WHAT THE HELL?!正呀!~好rock呀!~

..............不過,我都係希望新碟會至少有一兩首好聽既慢歌俾我share下,哈.

--------------------------------------------

Proverbs

11:19

恆心為義的、必得生命．追求邪惡的、必致死亡。

14/2/11 冷

果然係今日宣佈新崗位表,換言之,今日係我最後一日守樓梯lu.

真係好喜歡好懷念守樓梯既感覺.我唔怕做野,最怕要用腦,做事唔駛用腦既就最喜歡.守樓梯,係唔駛點用腦啦.你成個人棟響度,無焦點地望向前方正上樓既子民,聽到嘈就「shu」示意安靜,企到全部人上晒樓,就收工.我覺得呢項工作真係好有趣,最吊詭既係你做你既野,不過無人會理你.你shu佢,佢都走左上樓,點去理會你.能夠默默做事而不成為眾人焦點,呢種感覺幾好,心靈上無乜壓逼感.而且,最正既係有街景睇,好freshing.

反而去行partrol,響幾個樂園外不斷來回,漫無目的地游走,我真係到依家都唔明白有乜意義.至少我仲未諗到點解打鐘前五分鐘要咁多個「巡邏員」塞住通道阻礙交通...通常總係有D樂園好嘈,要行入去shu班友仔,嗱,呢度要用腦喇.到底要用咩方法令到佢地安靜呢?...我唔係細膽,但我好驚受人目光注射,尤其是走入樂園,四十對一局面,果班可愛既小魔怪通常會話: 嘩,好高喎~ 然後全班大笑.我唔打算做明星,唔希望受到咁既對待.

我真係真係好中意守樓梯架,最大既難題只不過係朝早早左出門,早五分鐘去守門口暨樓梯口.以及背住沉重書包,抽住一兩大袋野,響人群中穿插,奔上樓上...其實我到依家都係諗唔到到底我企響果個位有乜作用,不過唔駛用腦嘛,當然最好.每次睇下[輝哥]開風扇,睇下遲到既子民,睇下剛及時到達既[guys],心裡笑了.

可能係我幾中意呢份工,又或者唔知咩原因,我竟然今年首次拎到「超級大星」獎,當時係farewell party中宣佈,我受寵若驚.心諗: 我差唔多每兩次就有一次遲到喎,點解仲會拎到獎,唔係掛? 無論如何,都係要多謝一眾leaders,同埋平日響我面前表演上樓梯既子民啦,咁俾面唔嘈,我份工先舒服D.

其實得到「超級大星」獎,我並唔係話有幾大開心,相反,我有另一番體會,不過暫時都唔係寫,因為響有D人眼中,可能係晦氣說話...不過,我真係好想問一句,得到獎,係咪代表我有責任比之前做得更好? (我相信理想主義派別會答: 你無時無刻都應該(盡力)比以前做得更好!) 哈哈,我都費事爭辯.

點解我會咁問?...好簡單,因為由明天開始,我又要返到patrol的深淵.今次仲要係天真瀾漫,束手無策既小朋友.響四個樂園外來回踱步四個月,我諗就快變痴線佬...好快,leaders們又會見到我被動頹然的表現,「超級大星」變成「超級大叉」,成為史上第一位表現退步得最多既「巡邏員」.哈哈,乜解究呢段狂想曲咁似查小欣既副刊專欄既作風?

明明係情人節,我既情人---樓梯,都離我而去了.真悲哀.

當真是分手說愛你.

(P.S.: 本文涉及敏感內容將不於交友網站公開,只會設定xanga subscription.又因稿擠,本文原撰寫於二月十四日,將順延至十九日上載發表)