DJ SoSo - 林村玉兔－The road to success is always under construction.

"DJ SoSo 私家音樂部落"

我個廣東歌舊病又復發,都播左好奈廣東歌喇,係時候聽返英文歌.首次推介人氣最紅星味最top既Britney Spears,送上佢今年新歌.Hold it against me

呢位歌手都係唱快歌為主,如果搵到佢既慢歌,不妨聽下.

-------------------------------------

Proverbs

11:6

正直人的義、必拯救自己．奸詐人必陷在自己的罪孽中。

6/2/11 炎熱

繼續補回新年既日記.年初四行車公廟,就直接入林村逛逛.第二次響新年入林村,當初既incentive係去睇花車.不過經過今年,我同好多人都覺得入林村並唔係為左果十幾部花車,尤其是今年花車備受批評指無新意.今年去到,我發現呢十幾部花車包圍住停車場,而隔開既係狹窄既行人通道,完全無預留位置for人影相.我其實對呢個做法幾失望.不過算啦,demand幾大,supply就幾大.一切都係商業性質,特別今年叫「許願年」(is it a gag?),難怪咁多人都湧晒去新舊及翻版許願樹啦.呢度D攤位有野食有野玩有野睇(其中一張相show既係商販煮緊炆豬肉飯,三十幾蚊一兜),仲俾我見到苗族商店,望一眼就走,唔敢停留太奈,我好驚呢D少數民族,最怕得罪佢地,唔知佢地會點報復.再走下走,見到棵塑膠許願樹,仲有個洋人財神同大家影相(is it a gag?),真係好熱鬧.上次拋過膠橙,用力掟竟然笠過棵樹跌落另一面地下,好失望好驚訝,要知道當年爸爸用力掟都只係掟到樹枝位置,再高D都難.呢棵樹,好假...睇埋D人放許願燈,就走入鄉公所路既market,呢度賣D野都好有地方特色,好奈無食過麥芽餅喇,又去左茶檔食豆腐花.除此之外,幫婆婆買左份許願衣紙,佢教我地點樣寫,點樣扎條繩,點樣掛上許願板,原來掛之前要拜大王爺架喎.我並唔係林村常客,就入鄉隨俗啦.簡單許願,心得平安.最後經過天后廟,去過拎亞軍定係季軍既放馬莆公廟,行程完成!