DJ SoSo - 大美督BBQ－The road to success is always under construction.

"DJ SoSo 私家音樂部落"

我講過話今日阿Sa會響呢度出現...

今日除左係全港學校全面復課既日子,亦係情人節.無謂俾返學呢D事影響心情,一齊聽D甜蜜蜜既情歌,令今日過得幸福快樂D!...呢首歌係我今年聽過最肉麻骨痹既歌,上星期唱K唱左一次之後真係打晒冷震,嘩,唔掂.

都係留俾情侶聽啦,暫時唔係太啱我.雖然真係好好聽,哈.

林俊杰蔡卓妍小酒窩

----------------------------------

Proverbs

11:5

完全人的義、必指引他的路．但惡人必因自己的惡跌倒。

9/2/11 日暖夜涼

朝早返學去測驗加補課,下午諗住成班友約[car]出黎食飯佢又唔得閒.旁晚去左大美督燒烤王班會BBQ.估唔到真係一去到就燒野食,仲燒到夜晚九點幾.食物種類唔係少既,不過燒燒下就好似無乜好食.不過,我就發現燒麵包原來幾正幾好食架喎.以前我都未燒過麵包,見人燒無乜興趣.今次見D麵包免費任攞咪試下囉,原來燒過後係好似食多士咁,加埋蜜糖仲好味,又脆.不過要燒好一件金黃色既麵包認真唔容易.

燒烤場好似無端端多左個兒童遊樂場,我無乜印象,到底幾年前黎過果陣D滑梯響唔響度.不過今次真係去參觀個廁所,其實...唉,應該話響我預期之中,無嚇親我.其實只要佢光猛,地板唔滑,無污糟既黑色鞋印就得喇.不過呢個廁所又真係幾簡陋,少去為妙.

班友日光日白唔走入樹林,反而到夜晚先話去「探險」,我本來都跟埋幾丁友走入去黑暗之中,好彩Brian既追魂call,將我拉回去燒烤場,全班人祝brian生日快樂!...講起黎都要多謝brian,如果唔係我就會好似soa響黑暗之中迷路,要搵人救佢出黎.最後,都齊人玩話事啤,好明顯,今次無去年玩得咁high咁精彩咁刺激,去年病左無法出席真係可惜.by the way,當晚我忽發奇想,諗到一個無聊一個低B既懲罰,等到下次玩果陣再提出先!(如果我仲記得既話)

被催回家,最後都有點失望地離開.唔緊要,因為第二日有得唱K當補償丫嘛哈哈.