DJ SoSo - 無限唱K,打波？！第廿八話－The road to success is always under construction.

"DJ SoSo 私家音樂部落"

年年情人節我再倒數一年再倒數一年靜候你開門一天年年情人節我信再等一年信再等一年有進展我們明年情人節變到更加癡纏會更加癡纏又或者關口不改變衝不破心靈交戰

都唔想講太多...唔想情人節果日太sad,預先播左呢首幾好聽既歌.作曲Eric Kwok,作詞林若寧,主唱蔡卓妍,歌名叫年年.
不過,阿Sa響下星期一情人節既音樂節目又會出現!想知點解?當晚記得入黎睇睇喇~祝願天下情人甜蜜蜜,單身的早日搵到伴侶啦.

-----------------------------------------------------------

Proverbs10:21

義人的口教養多人．愚昧人因無知而死亡。

10/2/11 好天

明明前一晚去左大尾督BBQ,成十二點幾先瞓,第二朝竟然話八點去到大埔頭打波,我都係苦笑地遲大到.響星既指示下,我經過今次intensive練習好似掌握到新既技巧,好似學識左點樣用手腕射波,又真係好似準左D咁.希望短時間內可以有少少進步啦,因為打唔夠兩個鐘又要閃,急速回家.行路趕去火車站會合,對腳應該幾攰下,難得我仲支撐到.

哈,差唔多成年無唱K,今次仲唔唱返夠本?!...先去大眾書局,哈哈哈,我撲左黃埔大埔沙田六七間影碟店格價,去埋旺角,終於買左容祖兒Joey Yung Concert Number 6演唱會deluxe boxset!!嘩,我唔係joey fans,我都唔知點解會肯出二百五十蚊買左佢,真係貪張海報?唔係,係因為大埔大眾好似賣晒,而節拍竟夠膽以原價299蚊出售,抵我以後唔幫襯佢.詳細分享有機會再上載.

第九次唱K,倒是第一次全男班,壞處係少左把女聲,夾唔到合唱歌(雖然最後我地都屈機唱左"我的回憶不是我的",甚至乎"小酒窩",哈哈),好處係唔駛驚面懵,可以放膽唱,唱到幾high都得,好似班友唱唱下可以做situp咁.對我自己黎講,始終都係企響度唱歌最舒服,好似較易運氣.我都估到跟住kelf大師去外見世面會有收穫,今次,我學到點樣唱女歌手既歌.以前唔敢唱女歌手既歌,因為D音唔夾,同埋有D核突.依家,我學識可以升兩個key,唱就低兩個key,聽落又幾唔錯喎哈哈.呢個technique對我黎講已經好special架喇,我都話我響唱K呢方面無乜經驗架啦.

新年優惠,可以唱六至七個鐘,真係第一次.唱K既好處係可以認識一D平時聽過,瀝瀝在目,但又唔知歌名既歌.好多謝豬紅,我依家認得"藍雨"呢首歌喇,仲有好多歌,不過唔記得晒,或者下次可以用本簿抄低.

最正最難忘都係同kelf大師一口氣合唱十幾分鐘容祖兒零八年starlight演唱會瘋狂串燒medley,真係一大挑戰.(part1: http://www.youtube.com/watch?v=eswWCN8hQJ4 part2: http://www.youtube.com/watch?v=T_lYQxv-oLw )聽就好正,唱就玩命.唱到聲嘶力竭,kelf大師仲趴落沙發,不過悶親billy sunny豬紅就真係要講聲sorry...下次有機會再唱過丫不如?

六點起有buffet,幾多野食既,有咕嚕肉壽司火鍋煎堆炸物雞搥串燒粉麵飯甜品乜都有,最正係花旗參雞湯.兩小時最後只係食得三轉,臨尾想偷雞唱勁歌金曲唔成功,死neway.

每人120元,唱6小時,連dinner buffet兩小時任食.平均每小時20元,應該抵掛...不過真係幾開心,尤其是聽到尹光果首"少理阿爸",發洩程度可媲美Beyond既rock歌.可惜有粗口,難以於音樂節目分享.自己search黎聽啦,正都無輪.