(備註: 本文標題參考廣東道行人天橋每年聖誕都掛起的慶祝標語: "Canton Road 2011 Season's Greetings")
25/12/10 不太冷
正當社會上有一部分人在街頭報佳音,紀念耶穌基督既誕生,有一部分人正藏於家中,亦有一部分人正響旺角尖沙咀蘭桂坊狂歡.
其實平安夜呢一日對我黎講都算係幾爆既一日,竟然同一日行晒維園工展會,尖沙咀,油麻地,佐郭,旺角...都算係幾瘋狂.
工展會,由於家人去左,無乜點買野,好快就來回天后及銅鑼灣兩邊兜左幾次,試食係指定動作,今次仲響美食廣場食左勁多野,懷舊糖蔥薄餅,XO醬魷魚鬚,青瓜牛柳粒,魚蛋燒賣...嘩,飽晒...其實我行工展會主要目的都係「食」,見到電器服裝化妝品健康產品就skip.或者你會問,咁點解我唔去同一日開幕,灣仔會展既冬日美食嘉年華呢?...唔,我只可以答你,我同佢自2006年起無緣,加上自小對工展會既情意結,我亦唔想斷纜.或者要等到後年先有機會去掛...By the way,今年阿波羅雪糕瘋狂加價,呢幾年黎首次無響工展會幫襯佢.
下一站尖沙咀,地鐵站人山人海,響清真寺出口外面都係人海,警衛正開始擺放鐵馬封路,見到廣東道正搭台準備開show,四圍都係人(原來有郭富城黎,唔怪啦),我估都好難過馬路到對面海港城,唉,唯有調頭,沿柏麗大道行上佐敦食海南雞飯,連尖東都去唔到poor.(by the way,途中上美麗華搵無印良品,兜個圈先搵到路上去,原來係新翼果邊,撞鬼.不過果度都幾大既,唔錯唔錯)
從味王走出黎,隔幾條街,就係傳說中的廟街.認真,響我懂性有記憶以來,我係未到過廟街.響廟街中段往北行,先係見到兩排攤檔,其實同女人街無乜分別,走過街口,馬路擴闊左,變成三排攤檔,簡直係奇景.行下行下,突然見到好多人排隊,原來係排隊等位食煲仔飯!呢幾間食店不單止熱鬧,簡直要墟陷來形容,莫非真係咁好食?...轉個彎,見到廟街出名既一面.就係一排排占卜睇相攤位,仲有兩位歌手唱歌,嘩,呢D真係叫文化.行近榕樹頭果邊,我發現大多數攤檔都係塔羅牌占卜,咦,又有一兩檔有一D後生仔排緊隊喎,靈唔靈驗不知,只知名氣應頗高.我心郁郁,去廟街睇掌相太老套,反而去占卜塔羅牌又好似幾盞鬼喎,唔知將來會唔會黎呢度玩下呢?哈哈...by the way,你有你占卜,我有我頌讚.命相攤檔正對面榕樹頭公園正有八間教會弟兄姊妹唱詩歌,證明宗教係可以共存.
最後一站旺角行人專用區.呢度行過N次,行夜街既次數都不少.我從來都覺得呢度活生生呈現出香港街頭文化.之前都寫過一D幾有趣既街頭藝人,今次俾我撞到一位讀演戲既女仔,佢扮會唱歌既玩具公仔,響你入錢落收集箱前佢會靜止不動,連眼都唔眨,維持身體姿勢.入錢後,佢會對住你唱歌(好細聲,聽唔明佢唱乜),大概半分鐘啦,跟住就換個姿勢唔郁...哈哈,我覺得呢個除左係表演之外,亦係佢跟圍觀既人既賭博遊戲,大家猜大家心理及忍耐力,睇下邊個好奇或唔忍心放錢俾佢.嘩,呢招真係絕呀,隔幾分鐘就博到人俾錢!最衰部相機壞左,唔係就影低佢俾大家睇.
返到大埔,依然有零星既詩歌聲,但始終無兩三年前咁熱鬧,走左咁多地方,真係幾攰,早D抖,merry christmas啦大家.
------------------------
"DJ SoSo 私家音樂部落"
原來仲有一首歌幾值得響呢個時候播,仲記得之前提過既鄭秀文嗎?當時我無播佢既歌支持佢,"不要驚動愛情"太好聽,年頭播左,留返黎依家播埋第二首.片段選自Love Mi演唱會,幾touching.鄭秀文 - 上帝早已預備
25/12/10 不太冷
正當社會上有一部分人在街頭報佳音,紀念耶穌基督既誕生,有一部分人正藏於家中,亦有一部分人正響旺角尖沙咀蘭桂坊狂歡.
其實平安夜呢一日對我黎講都算係幾爆既一日,竟然同一日行晒維園工展會,尖沙咀,油麻地,佐郭,旺角...都算係幾瘋狂.
工展會,由於家人去左,無乜點買野,好快就來回天后及銅鑼灣兩邊兜左幾次,試食係指定動作,今次仲響美食廣場食左勁多野,懷舊糖蔥薄餅,XO醬魷魚鬚,青瓜牛柳粒,魚蛋燒賣...嘩,飽晒...其實我行工展會主要目的都係「食」,見到電器服裝化妝品健康產品就skip.或者你會問,咁點解我唔去同一日開幕,灣仔會展既冬日美食嘉年華呢?...唔,我只可以答你,我同佢自2006年起無緣,加上自小對工展會既情意結,我亦唔想斷纜.或者要等到後年先有機會去掛...By the way,今年阿波羅雪糕瘋狂加價,呢幾年黎首次無響工展會幫襯佢.
下一站尖沙咀,地鐵站人山人海,響清真寺出口外面都係人海,警衛正開始擺放鐵馬封路,見到廣東道正搭台準備開show,四圍都係人(原來有郭富城黎,唔怪啦),我估都好難過馬路到對面海港城,唉,唯有調頭,沿柏麗大道行上佐敦食海南雞飯,連尖東都去唔到poor.(by the way,途中上美麗華搵無印良品,兜個圈先搵到路上去,原來係新翼果邊,撞鬼.不過果度都幾大既,唔錯唔錯)
從味王走出黎,隔幾條街,就係傳說中的廟街.認真,響我懂性有記憶以來,我係未到過廟街.響廟街中段往北行,先係見到兩排攤檔,其實同女人街無乜分別,走過街口,馬路擴闊左,變成三排攤檔,簡直係奇景.行下行下,突然見到好多人排隊,原來係排隊等位食煲仔飯!呢幾間食店不單止熱鬧,簡直要墟陷來形容,莫非真係咁好食?...轉個彎,見到廟街出名既一面.就係一排排占卜睇相攤位,仲有兩位歌手唱歌,嘩,呢D真係叫文化.行近榕樹頭果邊,我發現大多數攤檔都係塔羅牌占卜,咦,又有一兩檔有一D後生仔排緊隊喎,靈唔靈驗不知,只知名氣應頗高.我心郁郁,去廟街睇掌相太老套,反而去占卜塔羅牌又好似幾盞鬼喎,唔知將來會唔會黎呢度玩下呢?哈哈...by the way,你有你占卜,我有我頌讚.命相攤檔正對面榕樹頭公園正有八間教會弟兄姊妹唱詩歌,證明宗教係可以共存.
最後一站旺角行人專用區.呢度行過N次,行夜街既次數都不少.我從來都覺得呢度活生生呈現出香港街頭文化.之前都寫過一D幾有趣既街頭藝人,今次俾我撞到一位讀演戲既女仔,佢扮會唱歌既玩具公仔,響你入錢落收集箱前佢會靜止不動,連眼都唔眨,維持身體姿勢.入錢後,佢會對住你唱歌(好細聲,聽唔明佢唱乜),大概半分鐘啦,跟住就換個姿勢唔郁...哈哈,我覺得呢個除左係表演之外,亦係佢跟圍觀既人既賭博遊戲,大家猜大家心理及忍耐力,睇下邊個好奇或唔忍心放錢俾佢.嘩,呢招真係絕呀,隔幾分鐘就博到人俾錢!最衰部相機壞左,唔係就影低佢俾大家睇.
返到大埔,依然有零星既詩歌聲,但始終無兩三年前咁熱鬧,走左咁多地方,真係幾攰,早D抖,merry christmas啦大家.
------------------------
"DJ SoSo 私家音樂部落"
原來仲有一首歌幾值得響呢個時候播,仲記得之前提過既鄭秀文嗎?當時我無播佢既歌支持佢,"不要驚動愛情"太好聽,年頭播左,留返黎依家播埋第二首.片段選自Love Mi演唱會,幾touching.鄭秀文 - 上帝早已預備
全站熱搜
留言列表