Proverbs
8:9  有 聰 明 的 以 為 明 顯 、 得 知 識 的 以 為 正 直 ．

"DJ SoSo 私家音樂部落"

原本話聖誕後播一首好好聽既歌,要等遲D有機會先聽嘞.反而,大除夕晚,我想送大家呢首更澎湃更震撼既歌.呢位歌手,真係好有感染力,聽原本version( http://www.youtube.com/watch?v=MyWaIIkpAtc )未必有太大感覺,但聽佢響早前number6演唱會既live version,就一定俾佢打動到.



送上容祖兒演唱會主題曲,無論係歌詞,定係佢響台上彈住結他高歌,都好有天后feel.好值得響普天同慶,熱鬧時間分享.

2011年1月1日叱吒樂壇流行榜頒獎典禮.我tip既十首優秀新歌已於早前回顧左,唔知當中有幾多首tip中有獎呢?哈哈,最愛既"無人之境"已經落選lu...

DJ SoSo播放率最高
女歌手    銅獎    王菀之
        銀獎    謝安琪
        金獎    容祖兒
男歌手    銅獎    張敬軒
        銀獎    李克勤
        金獎    陳奕迅
組合    銅獎    Mr.
        銀獎    野仔
        金獎    I Love You Boyz

                                                   ----------------------------------

28/12/10 Sunny

朝早返完學,即刻搭車出旺角,好開心每逢長假期,又可以跟舅父逛街.跟舅父逛街比一般既唔同,因為會去行潮流服裝名店,例如issue,5cm等,仲有我頗為欣賞既IT,成日都聽DJ提及IT,令我對佢有不少憧憬.果度D衫的確好潮好型,我都幾想試穿下,可惜又真係唔太習慣一時間個look有咁大既轉變, 或者,都係留待上到大學先啦.對我黎講,大學始終算係一個指標,亦係轉變既好機會.不過果度有D野未免太貴喇,一件印花tee,雖然係名牌,但我實在諗唔到點會賣到二百幾蚊,比運動品牌果D仲貴,或者我真係唔識欣賞fashion designer既design.

今日重點係睇戲.哈利波特7死神的聖物1.都唔記得左睇第六集係響幾時lu,所以今次繼續睇落去,有D地方都差D甩左,尤其係一大堆人名,擺明蝦我呢D唔係睇開哈利波特既人,一頭霧水,扮理解地繼續睇.可能係斬開兩集既關係,呢一集俾我既感覺有D特別,唔識形容.mmm,或者咁講,比較刺激既情節唔係太過刺激,但成套戲有不少刺激,具吸引力既情節.順帶一提今次有至少三個驚嚇情節,令到坐我後面一排小姐dum地大叫「嚇死!」.笑位都有兩三個,算係咁.全劇兩個半鐘,建議加快情節速度.仲有,我略嫌情節太散亂,捉唔到重點,希望下半集會好D.

夜晚,第二次去食意粉屋,今次多D時間睇餐牌,發現同pizza hut差不多,連pizza蒜蓉包都有.好中意食呢度既酥皮湯,塊酥皮真係香囉,同大家樂無得比.可能食左D小食同飲左成碗湯,之後碟意粉睇落唔大碟,但食起黎又幾多下,我個人始終唔太習慣用檸檬汁烹調既食物,不過塊烤雞味道都唔錯,整體觀感當然係好啦.吃得飽飽的.

今日係考試前最後一次去街,好想快D到農曆新年呀!

P.S.:身為省港盃fans,今年我趕不及於比賽後上載評論,實在可惜.祝有南華勁人上陣的港隊加油!...此外,考試關係,我亦趕不及寫除夕倒數了,未來有機會再回顧吧!
arrow
arrow
    全站熱搜
    創作者介紹
    創作者 kmsheng 的頭像
    kmsheng

    The road to success is always under construction.

    kmsheng 發表在 痞客邦 留言(0) 人氣()