99號仔素來喜歡睇省港盃,因為兩隊實力均等,打起黎一定有睇頭,可惜,今日既廣東醫藥打得唔夠集中,有威脅既射門極少,令到港聯有攻擊既機會,因為咁啱,廣東既前線擺得太後,而港聯既防線又擺得前左少少,間接令前鋒有更多埋門既機會.
今日既廣東球員都唔係打得太好,有D出名球員竟然發揮唔到最好表現.反而港聯既迪天奴同安基斯,真係勤力,尤其係迪天奴,入個人第二球時簡直搏到盡,瞓身一頂奠定勝局,真係抵佢威.
可惜今日見唔到盧斯奧把守港聯大關,照理佢會於下一回合上陣,而王選宏呢位「爆炸」人兄,淨係個格都嚇窒對手,可惜時間少,未能發揮最好表現,太急功.
當然唔少得前面咁努力入波既陳肇麒同埋罰球射手李海強,佢地今日表現合格.
希望港聯下個回合再下一城,大爆廣東!~
詳細戰果：
07年度省港盃：：：
第一回合：(勝)香港 3：0 廣東
全站熱搜
留言列表