"DJ SoSo 每一天的主題曲"



又有一排無做音樂節目,繼續留意外國歌曲.終於輪到佢,班內都幾多人中意,就係佢--- Eminem - Love The Way You Lie ft. Rihanna. 之前聽佢首Not Afraid,D粗口多到真係頂唔順,今次有把女聲襯住,愈聽愈覺得好聽.

                                                      ------------------------

30/9/10 天陰

留意下圖.如果你係soso blog長期忠實支持者,相信你應該知道係咩黎,應該不感到陌生.無錯,一年一度,每年11月中至12月頭舉行既周年慶典又來臨喇!...今年雖然係四周年,但其實係第五次舉辦大型慶典,因為半周年都舉行左一次.事隔咁奈,依家click番網站頭頂索引既慶典節目黎睇,仍然感到好珍貴.

(高清放大版: http://s281.photobucket.com/albums/kk218/socwon/blog/?action=view&current=poster143.jpg  進入後再按圖一次可作100%超高清放大.)


不過其實呢種大型節目既效果都不太顯著,往往每年呢個時間,瀏覽量係最少.可能大家都只關心我既日記,對我作既野不感到一點興趣.不過,始終係慣例,一種傳統習俗.我縱使今年幾唔得閒,我都會堅持做好佢.見到海報既時間表,可能感覺到今年節目係少左.無錯,到左撰寫本文既呢日,我仲未開始打稿.所以,有得縮減就縮減,但仍然會盡量保持準時上載.

今年既突破係多左個主題曲,慶典logo,同埋慶典slogan.往年主題曲一向係舊曲新詞,後來從好心人得知原來D歌詞好廢,咁就索性揀首真實存在既歌,以配合今年音樂主題.我選擇左Jason Mraz既Life is Wonderful,遲D音樂節目會播俾大家聽.slogan則是"Beyond the sweet sound~",無乜特別,如文法有錯敬請賜教.至於logo方面,認真,我半年前已經諗左個框架,當我畫成響poster度果陣,我先發現原來呢個圖咁似某款野既logo,不過兩者無衝突,表達既意思都不相關,我畫既logo概念好簡單,只係想show個4字出黎啫.我份人藝術感極低,所以你見我整poster都無畫乜野,只係猛咁寫字.

好多謝羚殷妳話幫我張海報填顏色,可惜響你留言之前,我已經搞掂成份海報嘞,如果你喜歡的話,或者妳可以幫我design一下明年五周年既logo,我visual arts實在太不濟喇.

慶典詳情大致公佈咁多,我亦要開始打稿準備節目嘞,睇黎往後既日子依然會較少時間寫blog,望見諒.最後亦都要誠邀大家,11月中至12月頭,記得多D黎呢度enjoy慶典party!

慶典事項既發佈固然重要,但有一樣野都不能漏低.就係...
祝Alice生日快樂! ^^
arrow
arrow
    全站熱搜
    創作者介紹
    創作者 kmsheng 的頭像
    kmsheng

    The road to success is always under construction.

    kmsheng 發表在 痞客邦 留言(0) 人氣()