DJ SoSo - blog：寫劇－The road to success is always under construction.

"DJ SoSo 壞天氣下的歌"

(多天之前)
明明果日好好地,點解最後要搞到咁愁呢?...知唔知為左你既性格執著,浪費左我好多時間?...明明好簡單既一件事,點解要搞到咁麻煩啫.我尊重你,所以無響你面前抱怨.你知唔知我好辛苦...我唔想因為呢件事失去我對你既感覺,太唔值得喇.但係我又唔識得點面對你,可能逃避你係一個好方法. 容祖兒 - 逃避你

逃避你卻又期待我可跟你做情人
而用情的心可天昏地暗
逃避你愛是遙又遠得很
而我始終不敢靠近還是不相信能和你合襯

要知道我嬲你,係因為我著緊同尊重你.我只係想你開開心心.

(兩天後)
嘻,其實呢件事好小事啫,依家搞掂左,輕鬆晒,做人真係唔駛咁執著丫.你響我個心既地位,依然不變.我會繼續默默響你身邊守護你,心意無限大. 側田 - 無限大

不設限期　讓我可忠於本性
留在幾千公里後隨時的看顧你
不理結果　不會自問對跟錯
我是毫無疑問愛你像最初
You're my everything everything
只要你愉快　何妨目光遠大
my everything everything
不需要旁觀者理解

------------------------

21/2/10 壞天氣使我生病了

最後一集"新疆鴨仔團"已經播左喇,即係話soso blog既blog劇環節就圓滿完結喇,老套D講,就係我正式收山,正式封筆,短期內不再寫blog劇,呢個消息應該會令不少人開心,因為一向極少人支持我寫呢D無謂劇,依家唔寫,可能會仲多D人黎呢度網.唉真係諷刺!

依家諗番起寫過既5輯劇,總共74集既內容.我知道當初寫劇既目的唔係做俾人睇,係做俾自己睇,「創作」呢樣野,響我小學三年班已經開始,果陣同兩三丁友一齊畫長篇漫畫,講彊屍既,跟住轉而寫文字,小學寫過既古仔比blog既多好多.只不過去到中一,將所作既野搬到互聯網啫.所以,我一向無理旁觀者,隨自己心意寫劇.

有D內容根本唔係劇黎,教俚語既無情節無角色,都唔知點算做劇,講靈異既果輯確實令我寫得好開心,不過得4集,而且背後概念係仿傚左人,所以不值得驕傲.再加上,由於我無咁多時間精力,所以寫既劇都無連貫性,每集內容都分開,最多只能叫處境劇,不算係連續劇.除左第1輯之外,不過呢輯得8集,字數極少,我依家都唔明白點解當初咁早收結.

blog劇,始終有一天我會重新寫既,只係時間既問題.響呢度放D風聲,下次我寫劇,我會盡量寫長篇連續劇,至少有"新疆"40集咁多.雖然會係幾辛苦,不過如果可以達成呢個心願,我會好高興.

blog劇既上載去到2010年2月18日,其實我已經響一月尾寫好晒劇,過左一個月,尤其係響假期做晒功課既時間,隻手勁痕,好想落筆寫野...等多排先啦,等我度好晒橋同架構,到時先慢慢作都未遲.新既故事,我希望會包含晒blog劇之前出現過既角色,miss diamond啦,凡人蘇啦,諸如此類.

至於上映時間呢,熟悉我既性格,應該知我響大時大節先會搞新意思,呢個blog幾時有大時大節丫,本來我想講明大概日期,都係算啦,留番俾真正支持呢個網既人領略.如果今年呢,我驚太早,咁就唔算收山,只可以話休息.出年呢,我又驚中六唔得閒...睇黎,一切都要隨緣喇...