在Blog中追求突破《SoSee幻の國》Season02《新疆鴨仔團》#31
Mission31 => 全民抗熱(三)---到處撥涼
任務目的：
炎熱夏天大家都用盡一切方法乘涼，但為了環保，都是「心靜自然涼」。今次凡人蘇更付上精力汗水，以人力幫市民撥涼。
現場實況：
(凡人蘇)「嘩！今日我帶左一把勁大紙扇，有金閃閃既玻璃紙做裝飾，多謝隊長自製既作品！」
(隊長)「唔駛客氣！最緊要把扇work，撥得涼，又唔易爛…」
(凡人蘇)「Ok！今日我地黎到中環…響遮打花園搵黎一班helper姐姐！」
(隊長)「Hi！Beautiful girls！」
(女傭們)「Hi！」
(隊長)「Feel hot？」
(女傭們)「Ya！…So hot today…」
(凡人蘇拿出巨扇，向女傭們撥上撥下)「Let’s get cool！Wow！Good or bad？」
(女傭們)「Wa！Nice！So
cool man…」
(凡人蘇撥了一會，就走到置地廣場外)「仲記得舊年我地黎呢度嗎？」
(隊長)「記得！11月響呢度大叫生日快樂做快閃黨！」
(凡人蘇)「上次我地怕保安，今次唔怕架喇！…」
(凡人蘇走入廣場，與站在門邊的保安打招呼)「你好！今日好熱呀…」
(保安)「係呀！…」
(凡人蘇拿出巨扇，向保安撥上撥下)「依家好唔好D？」
(保安微笑)「我講緊出面既天氣呀！呢度有冷氣好涼…」
(商場經理走過來)「請問…呢位先生，我有咩幫到你？」
(凡人蘇裝大笑)「估唔到香港人既服務態度咁好！…走先！」(推開門跑走)
(經理呆站在門口)「華叔，佢做乜野？」
(保安)「我都唔知，佢同我撥涼…神神化化咁…」
(鏡頭一轉，凡人蘇正隔著窗子和一位的士司機談話…)
(凡人蘇)「況且你都要排十幾個位，不如熄一熄匙，環保D啦！」
(司機)「好熱喎哥仔！」
(凡人蘇拿著巨扇，正想向司機撥涼，怎料司機早一步，笑著關上車窗)
(凡人蘇)「喂！」(敲打車窗)
(司機揮兩下手，示意凡人蘇離開)
(凡人蘇)「竟然俾你睇穿我地既計劃？！」
(隊長)「呢把扇我地就送俾你！」(在車頂放下巨扇)
(司機看著遠去的鴨仔團，苦笑起來)
(凡人蘇)「估唔到香港司機咁醒目！記住！Impossible is nothing！We will be back！」
(鴨仔團滴著汗回家，留下一把巨扇在一輛的士的車頂。)
To Be Continued.
故事純屬虛構 多謝收看
撰文：SoSee 導演：柯金 監製：夫人 拍攝/剪接：99號仔
《SoSee幻の國》Season02《新疆鴨仔團》逢每月第一及第三個星期四播出~下集將會於09年9月3日播出,敬請到時收看~
本輯播出時間及頻道: 隔周四於SoCWon’s Blog既Blog劇頻道.
在Blog中追求突破,所以要看!Chasing breakthrough in the
blog, So See!
留言列表