在Blog中追求突破《SoSee幻の國》Season02《新疆鴨仔團》#30
Mission30 => 全民抗熱(二)---路邊踎街食咖哩
任務目的：
延續上次任務目的，今次凡人蘇模仿商台叱吒903DJ林海峰踎低噴飯的模樣在市區路邊蹲在長椅上吃咖哩飯，與市民共同抗熱。
現場實況：
(凡人蘇)「今日我地繼續為環保出力，響炎熱街頭食超麻辣印度咖哩！」
(隊長)「打開盒飯先！」(打開盒飯)
(凡人蘇)「嘩！好香！一睇就知勁辣勁好味！」
(隊長)「事不宜遲！凡人蘇立即開始！我就飲汽水，哈哈！」
(凡人蘇蹲在長椅上對著面前的行人，吃手上的咖哩飯)
(凡人蘇)「嘩！天氣好熱呀…仲要吸後面D車既廢氣…唉…」
(隊長)「你終於感受到街上乞丐同埋執垃圾既清道夫佢地既辛苦啦！」
(凡人蘇吃著飯)「嗯…好味…(大叫)好辣呀！」
(隊長)「(指向凡人蘇旁邊) 有支凍水俾你飲…」
(凡人蘇吃一口飯，就喝一口冰水)
(隊長)「哈！依家好多人企響度望住凡人蘇呀！」
(凡人蘇)「(不屑)仲報以奇怪既目光添！」
(隊長)「梗係奇怪啦，你仲咩無端端踎街食飯啫？」
(凡人蘇張大嘴巴呼氣)「嘩！…好辣…」
(隊長假扮認真)「今日路邊空氣污染指數有七十五，我建議你…」
(凡人蘇)「快D食晒佢丫嘛，我夠知啦，駛你講？！」
(隊長)「哈天氣太熱，凡人蘇睇黎好燥火，一陣去飲杯涼茶啦！」
(凡人蘇繼續將咖哩飯撥進口裡)「唔得喇…又熱又辣又苦又攰！」
(隊長)「(緊張)加油呀！快D食晒佢就掂架喇！」
(凡人蘇二話不說，趕快吃光所有咖哩飯)
(隊長)「好！搞掂喇！」
(凡人蘇)「無晒力喇..我相信林海峰一定無我踎低咁奈！我嬴左佢喇！..唉攰死我…呼…」(癱在椅子上)
(隊長)「喂！大佬！好熱呀！係抖都返屋企慢慢抖啦！」
(凡人蘇)「好！費事響度吸廢氣！走！」
(鴨仔團動身離開，引來不少途人目光)
(凡人蘇向著一位笑他的青年怒叫)「望咩呀望？！」
(青年呆望著鴨仔團離去)
(凡人蘇)「(憤怒) 今日個任務真係超火辣，又攰死人，我行唔郁喇！隊長，孭我走！」
(隊長)「收啦！熱死我喇要我陪你…」
(凡人蘇)「哼！記住！Impossible is nothing！We will be back！」
(凡人蘇一拐一拐地回家，地上留下一個盒飯。)
To Be Continued.
故事純屬虛構 多謝收看
撰文：SoSee 導演：柯金 監製：夫人 拍攝/剪接：99號仔
《SoSee幻の國》Season02《新疆鴨仔團》逢每月第一及第三個星期四播出~下集將會於09年8月20日播出,敬請到時收看~
本輯播出時間及頻道: 隔周四於SoCWon’s Blog既Blog劇頻道.
在Blog中追求突破,所以要看!Chasing breakthrough in the blog, So See!
留言列表