在Blog中追求突破《SoSee幻の國》Season02《新疆鴨仔團》#40 Finale
Mission40 Finale => 凡人蘇終極任務---旺角街頭人體彩繪
任務目的：
《新疆鴨仔團》兩周年最後一集，鴨仔團回到根據地---旺角行人專用區。凡人蘇繼續施展表演慾，接受隊長筆下的人體彩繪，表演《新疆鴨仔團》的意念。
現場實況：
(凡人蘇)「Happy Birthday我地套劇本來上集兩周年，但今集先慶祝喇！首先要解答下隊長既提問。」
(隊長)「我幫friend問咋。佢睇左上集既回顧，想問你點解響較後既節目完結果陣記述漏低野既？一時漏左膠袋，一時漏左飯盒…」
(凡人蘇)「無…官腔既就話我地玩得high，連D野都漏低左，實際同構思上，其實我係想響結尾凝造一個氣氛…詳情唔多講，自己領略啦！」
(隊長)「唔該晒！又係呢個口頭禪：事不宜遲，凡人蘇人體彩繪開始！」
(凡人蘇)「頭先由街口走入黎，已經見到有兩班人玩緊人體彩繪，我地已經行遠D，費事踩場…死啦，依家好驚喎點算…」
(隊長)「唔緊要，你依家都除左上身衫，淨番條短褲，事在必行架喇，訓低啦！」
(凡人蘇垂頭喪氣側身躺在馬路上，托著腮，扮性感地面向隊長)
(隊長)「嘻嘻！精神D！好…我開始喇！」
(凡人蘇)「你搞幾奈？我好攰…搵D野傾分散我注意力丫…」
(隊長)「首先塗低色，面塗紅色，身塗藍色，腳塗綠色…」
(凡人蘇)「我戴左個金黃色假髮，成個身勁撞色！」
(隊長繼續上色)「話時話，點解你有個個idea既？」
(凡人蘇)「嘩我諗呢個任務諗左好奈，本來因應最後一集，諗住去快餐店搶食顧客最後一啖飯，但係衛生問題放棄。仲有搭最後一班巴士同巴士司機傾計，不過唔夠有趣…」
(隊長)「跟住呢？」
(凡人蘇)「之後諗番起呢個地方，呢度令我有好大印象。」
(隊長)「上好底色，跟住額頭畫個中國國旗表明中國人！」
(凡人蘇)「我上次黎見到D自力更新既傷殘人士，響街頭表演，好感動。」
(隊長在臉頰畫上鴨子)「咩表演？」
(凡人蘇)「有兩個切去前臂既既人，一個跪響地下，用自己短小既後臂，熟練地用一塊膠板，一個抽屜，不斷將紙黏土整成一枝玫瑰花。」
(隊長在凡人蘇心口畫了一大個「2」字)「嘩！好勁喎！」
(凡人蘇)「又有一個同樣切走左前臂，用後臂兩隻小手指捉住木片琴棍彈結他！好有創意呀！」
(隊長)「比我地強勁好多！…」
(凡人蘇)「點解你？…我腳痺…」
(隊長)「快架喇…等我再不斷畫D鴨先！」
(凡人蘇)「對腳有咩畫？」
(隊長)「畫D花花草草囉…」
(凡人蘇)「究竟呢幅人像畫有乜意思？」
(隊長)「就係紀念我地節目兩周年，D鴨仔代表我地成班友，嘍住最後響你背後畫埋拜拜兩個字，就完成喇！」
(此時大量遊人站在附近觀賞凡人蘇)
(凡人蘇)「死啦！好怕醜…」(尷尬)
(隊長)「搞掂喇哈哈！起身啦凡人蘇！」
(凡人蘇)「嘩！忍左好奈！…(伸直身子)噢！點解淨係肚臍唔上色？」
(隊長)「驚畫筆D細菌容易入個肚度。」
(凡人蘇)「好啦！我地影番張相先…」
(隊長)「好…開心既時間差唔多，你又經歷另一個經典喇。感動既時間黎喇喎！」
(凡人蘇)「嗯。係時候講下D心聲…你見camera man 99號仔已經圈緊我地。」
(隊長)「拍埋今日加長版，我地真真正正要分開喇。你有咩打算？」
(凡人蘇)「睇情況囉，可能返上新疆，可能會留響香港，大家行多D街，睇下撞唔撞到我。」
(隊長)「我就會帶住班鴨仔團飛返家鄉，有機會再同大家見面。」
(凡人蘇)「SoSo話下次開拍新劇會預埋我地，所以大家一定要繼續支持SoSo，留意最新動態。」
(隊長)「拍完40集好滿足，遺憾既係無機會同凡人蘇玩牙骹戰。」
(凡人蘇)「係呀，我地本來搞呢個special，不過最後因時間倉猝而取消。」
(隊長)「…聽講你要最後多謝一個人喎…」
(凡人蘇)「係呀，就係曾經叱吒一時既喪do男903 DJ Leo詹志民，無佢呢個喪do男環節，就無今日新疆鴨仔團呢個idea，雖然喪do男已退隱江湖，鴨仔團亦要告別大家，不過我想響最後再次多謝兩年前『有耳喱民』呢個節目，有耳非文、阿喱，多謝晒~」
(隊長)「(笑) 講明D，就係我地節目其實係抄喪do男橋…好喇！夠晒鐘喇，希望大家會永遠記住我地。再見。」
(凡人蘇)「呢套劇大概唔會再拍第二輯，鴨仔團同大家永別喇！拜拜！」
(隊長)「雖然我地唔會back，不過都圓滿地講一句…」
(眾人)「(大聲) 記住！Impossible is nothing！We will be back！」
(鴨仔團扶著疲倦的凡人蘇回家去，地上留下一枝折斷的畫筆。)
The End.
幕後花絮：
(凡人蘇)「頭先講既野都唔感動既？」
(隊長)「你都無喊啦！…冷血精！」
(凡人蘇)「(生氣) 你唔係冷血精既？！」
(隊長)「見到你咁既樣，就知你係怪人啦！哈哈！」
(凡人蘇)「…答非所問。」
(柯金)「好拍檔！我地仲有無機會合作？」
(夫人)「遲D先算啦，寫左兩頁稿攰到阿媽都唔認得喇，係咁先！」(溜走)
(SoSee)「喂！我打字仲攰啦！……喂！喂！夫人！你去邊？」
(柯金)「夫人！！喂！…你同我死番黎呀！」
故事純屬虛構 多謝收看
撰文：SoSee 導演：柯金 監製：夫人 拍攝/剪接：99號仔
《SoSee幻の國》Season02《新疆鴨仔團》全劇一共四十集已經全部播映完畢，多謝收看~
本輯播出時間及頻道: 隔周四於SoCWon’s Blog既Blog劇頻道.
在Blog中追求突破,所以要看!Chasing breakthrough in the blog, So See!
留言列表