在Blog中追求突破《SoSee幻の國》Season02《新疆鴨仔團》#37
Mission37 => 09聖誕節祝福---廟街樹上掛星
任務目的：
聖誕節又要來臨了，今次凡人蘇要去街頭宣揚聖誕節的訊息，而最適合的地方，莫過於極具香港街頭特色的廟街。凡人蘇最後一次為社會所作的任務---爬上廟街樹上掛星！
現場實況：
(凡人蘇)「Merry Christmas！唔經唔覺《新疆鴨仔團》已經做到第37集，相信大家都知道我地節目去到二月就會完…」
(隊長)「係呀！講起黎都好唔捨得呀…今次係凡人蘇最後一次為社會所作既任務，跟住兩集會有回顧環節，分別係十二月三十一日同埋 二月四日…」
(凡人蘇)「第40集最終回，有我同隊長一齊為《新疆鴨仔團》喪玩最後一次，今日，我就會為充滿地道民間特色既油麻地廟街增添西洋喜慶氣氛！」
(隊長)「睇下呢條廟街，嘩黃昏時間愈黎愈多人，著晒燈，D中國傳統音樂黎喇！」
(凡人蘇)「嘩！呢度大部分係上左年紀既人，同我地好似格格不入喎。」
(隊長)「無所謂啦，快D搵棵樹掛起粒星啦！」
(凡人蘇)「好！呢棵較為接近公園既樹，唔大唔細，高度剛剛好，就揀呢棵！」
(隊長)「今日呢粒星，係粒會發黃色閃光既橙色星，係咪好奇怪呢？」
(凡人蘇)「事不宜遲！爬上去先！」
(隊長)「小心呀你！」
(凡人蘇一步一步爬上樹)
(隊長)「好在有戴手套，唔係你隻手會有滿江紅！」
(此時凡人蘇的舉動引來周圍的人的目光)
(凡人蘇)「要快D喇！一陣間有個風水佬，又或走左個會員黎，就大鑊喇！」
(凡人蘇爬上樹幹分岔位)「掂喇，liu粒星過去！…啊！手唔夠長…頂…」
(隊長)「試下第二個位丫！」
(凡人蘇幾經辛苦才把星星掛在枝葉上)
(隊長)「好！好！好！落番黎啦，我攬住你！」
(凡人蘇)「嘩！爬落黎仲難喎！」
(隊長)「慢慢黎！慢慢黎！我地撐住你！」
(凡人蘇一步步爬下，欣然歡呼)「好野！掂呀！…呢棵就係真正有星星既聖誕樹！」
(隊長)「OK！好！你對手腳有無損到呀？」
(凡人蘇)「無既…隻腳…擦損左少少啫…」
(隊長)「好喇好喇快D走！就黎俾人捉架喇！」
(凡人蘇和隊長跑到尖沙咀柏麗購物大道)
(凡人蘇)「嘩！好攰呀我…痴線…」
(隊長)「今次好好彩，無撞到警察…相信廟街會有多D聖誕氣氛！」
(凡人蘇)「Impossible is nothing！We will be back！除夕日再會！」
(鴨仔團哼著聖誕歌回家去，鏡頭一轉回到廟街某街口…)
(清潔女工)「頂佢，邊鬼個擺粒星響樹上面呀？」
(命相學家)「仲影響廟街風水…」
To Be Continued.
故事純屬虛構 多謝收看
撰文：SoSee 導演：柯金 監製：夫人 拍攝/剪接：99號仔
《SoSee幻の國》Season02《新疆鴨仔團》隔週四播出~下集將會於09年12月31日播出,敬請到時收看~
本輯播出時間及頻道: 隔周四於SoCWon’s Blog既Blog劇頻道.
在Blog中追求突破,所以要看!Chasing breakthrough in the
blog, So See!
留言列表