在Blog中追求突破《SoSee幻の國》Season02《新疆鴨仔團》#36
Mission36 => 蘇撕樂園三周年---自製芝士蛋糕
任務目的：
蘇撕樂園誕生三周年，凡人蘇運用多年前在家政課學到的知識，親自下廚，為蘇撕樂園製作一個芝士蛋糕。
現場實況：
(凡人蘇)「乜都唔好講，先講一句…」
(鴨仔團仝人)「蘇撕樂園三周年Happy Birthday！」(齊聲歡呼)
(凡人蘇)「今日我地黎到美女廚房，哈…係廚房，不過我響度門寫左『美女』兩個字，就美女廚房喇…不過心水清既觀眾係可以知道呢度得一大班麻甩仔啫，一個女人都無…隊長！搞掂壇野未呀？」
(隊長)「搞掂喇！」(匆忙)
(凡人蘇)「一早叫左隊長幫我準備好整呢個蛋糕既材料，擺好駕步…其實今次整既係忌廉凍餅，因為簡單D！」
(隊長)「材料有適量既消化餅同忌廉芝士，至於有幾適量呢就由大家自己定斷喇。」
(凡人蘇)「首先打碎D消化餅！呢part最好玩！係咁扑碎D餅，不過又唔可以太碎！」
(隊長)「跟住點做呀？」
(凡人蘇)「我淨係記得點整個餅底咋！」(懵然不知)
(隊長)「(憤怒)唔係下嘛？！…唉，搞住D cream先啦！」
(凡人蘇攪拌忌廉、牛油、鮮奶和蛋白，形成餬狀)
(凡人蘇)「仲有D咩未做？」
(隊長)「我都唔知呀…點解你down個材料資料又唔down埋個步驟？」
(凡人蘇)「鬼知咩…唉求其整住先，駛唔駛落糖？」
(隊長)「痴線架咩你？D忌廉已經甜到飛起！」
(凡人蘇)「咁就…就咁將D cream倒落個餅上面…搵個鐵模盛住D cream。」
(隊長)「嘩！睇住倒瀉呀！…喂！流左落個鐵模呀！」
(凡人蘇連忙找毛巾，手忙腳亂)
(隊長)「唉…算啦…到時攞出個凍餅果陣都會攞走個鐵模…」
(凡人蘇)「好丫…咁倒晒落去啦…然之後響面頭加張保鮮紙…依家依然係少少液態狀，不過擺左響雪櫃半日，就會凝固成凍cream！」
(隊長)「好！依家我地可以抖下…」
(凡人蘇)「去搵SoSo老闆，叫佢試下我地既手勢！」
(數小時後，凡人蘇帶來SoSo)
(SoSo)「嘩！咁簡單既個cake，加D裝飾或者配料落去啦！」
(凡人蘇)「er…加D粟米粒落去好唔好？」
(SoSo)「你傻架咩？落D藍莓醬或者草莓醬啦！…」
(隊長)「無喎…」
(SoSo)「咦係喎，你呢度唔係美女廚房黎咩？應該乜食材都有架喎！…」
(凡人蘇)「我地呢度係廚房，只係響度門加左『美女』兩個字咋…你知啦，你又無俾咁我地咁多budget…」
(SoSo)「…你地班人傻架！我走喇費事睬你地！」(裝作不屑)
(隊長)「喂！你唔食cake呀？…唔顧大都要顧個細丫，你唔食個blog都要食啦！……應下我好喎！…你條友丫，一講錢就扮懵…」
(SoSo)「(忍著笑離開廚房)…懵？！你話我懵？…哼！Impossible is nothing！I will NOT be back！」
(凡人蘇)「(無奈)佢依家咩態度呀？…唉食左個cake先，費事佢溶…」
(隊長)「提提我地既fans，《新疆鴨仔團》由12月開始將改為隔週四播出，大家要繼續追睇！」
(鴨仔團吃掉凍餅，桌上留下一個沾有忌廉的鐵模。)
To Be Continued.
故事純屬虛構 多謝收看
撰文：SoSee 導演：柯金 監製：夫人 拍攝/剪接：99號仔
《SoSee幻の國》Season02《新疆鴨仔團》隔週四播出~下集將會於09年12月17日播出,敬請到時收看~
本輯播出時間及頻道: 隔周四於SoCWon’s Blog既Blog劇頻道.
在Blog中追求突破,所以要看!Chasing breakthrough in the
blog, So See!
留言列表