在Blog中追求突破《SoSee幻の國》Season02《新疆鴨仔團》#35
Mission35 => 支持傅穎轉投新公司---穿泳褲乘電車
任務目的：
傅穎最近被傳出與金牌大風不和，據報已轉投新經理人公司。為支持這位風靡萬千少年的人氣偶像，凡人蘇今日要在繁忙時間實行極變態行動！
現場實況：
(凡人蘇)「今日我代表香港既電車男，以行動來表達對Theresa女神既支持同十卜！」
(隊長)「(細聲) 其實我地唔係咁迷戀佢啫…」
(凡人蘇)「係呀！我見佢既fans咁crazy追住佢，今日我都要crazy D！」
(隊長)「我地中意Stephy架其實…嘻嘻！…」
(凡人蘇)「(發怒) Shut up！…有車未呀？」
(隊長指一指遠處的電車)「有喇有喇…」
(凡人蘇)「嘩，著住呢條咁鬼死長既泳褲，包住條牛仔褲好緊身呀！」
(隊長)「及膝既…我都未見過咁長既泳褲，你睇下隔離D人都gup住你…」
(凡人蘇)「上車先啦！」(上車)
(鴨仔團好不容易才逼上電車，空間狹窄擠迫)
(隊長)「呢度係銅鑼灣，我地搭到邊度呀？…唔會係上環嘛？…」
(凡人蘇)「搭到俾人發現為止…」
(突然旁邊有位女士大叫)「喂！你做咩呀？！」(指向凡人蘇的下身)
(凡人蘇)「哈！我今日穿泳褲返工，幫Theresa打氣！」
(旁邊一位女中學生)「(尷尬) 咦~好核凸呀！」
(旁邊一位男士)「(不岔) 喂！你個易服辟，信唔信我報警拉你？」
(女士)「你幫咩Theresa打氣呀？」
(凡人蘇)「Theresa傅穎喎！倒轉黎咪泳褲囉！」
(隊長)「(笑言) 佢pat
pat果度仲有個傅穎既圖！Pretty？」
(男士)「妖！都痴線既！依家香港咁多白痴佬！…」
(凡人蘇)「(大叫) Theresa女神萬歲！」
(隊長趁機會為凡人蘇拍照留念)
(凡人蘇)「嘩！…全車人都望住我喇…落車！」
(鴨仔團走到司機位準備下車，司機突然搖頭嘆氣)「唉…」
(凡人蘇回頭再大叫)「Stephy先係最好！」
(鴨仔團立即跑離現場，凡人蘇脫下包住牛仔長褲的泳褲，放鬆下來)
(凡人蘇)「嘩！攰死我…今日我真係好變態呀…哈…」
(隊長)「提提家庭觀眾千祈咪嘗試咁做，今次係經專人訓練，同埋凡人蘇係著齊打底褲，面褲牛仔褲，先再響外面面頭加件泳褲！」
(凡人蘇)「所以我唔係無著褲上街架！唔好誤會！…大家唔好模仿，有咩後果概不負責！走先！」
(隊長)「記住！Impossible is nothing！We will be back！」
(鴨仔團乘電車回家，地上留下條印有傅穎照片的泳褲。)
To Be Continued.
故事純屬虛構 多謝收看
撰文：SoSee 導演：柯金 監製：夫人 拍攝/剪接：99號仔
《SoSee幻の國》Season02《新疆鴨仔團》逢每月第一及第三個星期四播出~下集將會於09年12月3日播出,敬請到時收看~
本輯播出時間及頻道: 隔周四於SoCWon’s Blog既Blog劇頻道.
在Blog中追求突破,所以要看!Chasing breakthrough in the
blog, So See!
留言列表