在Blog中追求突破《SoSee幻の國》Season02《新疆鴨仔團》#34
Mission34 => 09中秋節---生吞冰皮月餅兩個
任務目的：
中秋節喜氣洋洋，去年凡人蘇生吞蓮蓉月餅一大個，今年他將行動升級，一口吃兩個冰皮月餅賀中秋！
現場實況：
(凡人蘇)「中秋節快樂！上年我一次過食左成個三黃蓮蓉月，實在太肥膩，又鹹。今次要食得清新D，食冰皮月餅！」
(隊長)「其實咁做都唔太健康。」
(凡人蘇)「由於冰皮月餅size細D，所以今次我一連食兩個！」
(隊長)「有基本既咖啡味綠豆蓉，同埋新款少少既楊枝甘露。」
(凡人蘇)「兩個我都食過，都OK既。」
(隊長)「未開始任務之前，先問下凡人蘇鍾意食咩月餅？」
(凡人蘇)「最原始既雙黃白蓮蓉，食少少好正！冰皮就…梗係最富貴既燕窩冰皮啦！」
(隊長)「可惜我地budget有限，凡人蘇食唔到咁過制既燕窩冰皮…事不宜遲！」
(凡人蘇)「(奮勇) 我食喇！」(用力張開嘴巴，將第一件月餅放在口腔左邊)
(隊長)「嘩！今次任務幾難，凡人蘇生吞兩個月餅，講唔到野…好危險，大家切勿模仿。」
(凡人蘇豎起拇指示意，繼續張大嘴巴，並把第二個月餅放進口腔右邊，位置僅僅足夠讓凡人蘇吃下兩個月餅)
(隊長)「(拍掌) 好野！凡人蘇！hold住五秒！…好！依家最難既步驟！凡人蘇要慢慢吞晒兩個月餅…」
(凡人蘇瞪大眼睛，慢慢迷惘地咀嚼)
(隊長)「慢慢唔駛急，無限時間，只要你唔好噴晒D野出黎就得。」
(凡人蘇)「(痛苦) 鳴…唔…」
(隊長)「好慘呀，一次過食兩個月餅，飽死都似…」
(凡人蘇繼續無奈地逐口將月餅吞下去，眼神呆滯)
(隊長忍笑看著凡人蘇)「點呀？仲食唔食得落？唔好死撐呀喎！」
(凡人蘇點頭，堅持吞下最後一口)「掂呀！」
(隊長)「(拍掌歡呼) 好波！」
(凡人蘇)「嘩！唉！食得好飽無力講野喇！(攤在地上)不過兩種月餅…味道溝埋一齊，真係…(大叫)好難食呀！」(摸著肚子)
(隊長)「下次食番同一隻味喇！」
(凡人蘇)「(驚叫) 仲有下次？！」
(隊長)「記住！Impossible is nothing！We will be back！」
(鴨仔團抬著凡人蘇回家去，地上留下兩個月餅包裝袋。)
To Be Continued.
故事純屬虛構 多謝收看
撰文：SoSee 導演：柯金 監製：夫人 拍攝/剪接：99號仔
《SoSee幻の國》Season02《新疆鴨仔團》逢每月第一及第三個星期四播出~下集將會於09年10月15日播出,敬請到時收看~
本輯播出時間及頻道: 隔周四於SoCWon’s Blog既Blog劇頻道.
在Blog中追求突破,所以要看!Chasing breakthrough in the
blog, So See!
留言列表