專抽你水3D立體高清金馬桶 全力贊助：
《SoSo
Blog第六屆網誌金馬桶頒獎典禮》
(劇場頂部的大光燈一宜照射在舞台上的三個金黃馬桶梳化)
利孝和：Great！好野呀！歡迎大家黎度呢個慶典既戲肉，網誌金馬桶頒獎典禮！
夫人：有利孝和，同埋我---夫人！當然唔少得今一腳踼做晒所有日記既soso老闆啦！
SoSo：Hello！…嘩我地坐住呢幾個梳化都幾特別喎…
利：係呀，多得金馬桶有限公司咁多年黎鼎力支持，我地先欣賞到金馬桶每年既不同款式咋。
夫：今年呢個馬桶仲多左個功能，就係抽…你既水！哈哈！
利：soso你額頭D汗水係咪消失晒呢？就係你坐緊個馬桶抽你…既汗水！
S：吓？冷氣開大左咋掛…你班死仔響度搞gag，快D揭曉得獎名單啦。
利：反正都係你包攬所有獎項，又駛乜緊張？…好啦好啦，今年只頒發八大珍貴日記獎項…
夫：所以今年主題係「珍貴日記分享會」，立即宣佈第八名珍貴日記。
S：嘩，呢個堅嘞，就係DJ SoSo - 音樂節下的[傑仔]。依家睇番篇文章未必有太大feel，不過我肯定自己當時係有好大既感受。
利：係呀，果陣你坐響[傑仔]隔離，目睹晒佢有幾唔耐煩，真係好好笑。
夫：跟住係第七位，DJ SoSo - 當歲月偷走歲月神偷時。歲月神偷確實係一套好好睇既電影，soso你又有D咩特別懷念？
S：呢套電影真係十分之感人，可以話係香港近來最top既賣座電影，最深刻印象係果日下晝我睇完套戲,傍晚正想打篇日記稱讚任達華華哥既逼真而精湛既演技…
利：點知當晚佢就攞左香港電影金像獎最佳男主角！仲要出自同一套戲。
S：係呀係呀！對我黎講真係幾震撼，感覺就好似見證影帝既誕生。
夫：之後就到第六位，DJ SoSo - 大鄉里出城。咦？響無幾奈之前啫，soso有咩想講？
S：果然係一次好free既旅程，只係時間唔夠，不過可以去到山頂已經好滿足好開心。
利：不過下次一定唔會響夜晚去食韓國燒烤，係唔係？(微笑)
S：哈哈！唉…輪到第五位喇，就係DJ SoSo - 4D gathering =]。聖誕節呢次出黎玩真係玩得好癲，夜晚響平台玩先令人難忘。嘩果隻唔知係豬定係狗既物體，真係俾佢玩死。
夫：仲係你第一次玩true or dare添，原來響深夜唔講鬼故傾私事，反而有另一番既感覺。
利：希望今年聖誕你地可以再出黎玩啦！..等我宣佈第四位珍貴日記：DJ SoSo - 衷心感謝。
夫：嘩呢篇真係經典。我知道soso當初做呢個blog，就係希望有一日自己個blog出現於人氣榜內。
利：我都估唔到憑住一篇花卉展覽既網誌，令瀏覽量以千次計，真係恭喜晒soso。
S：多謝。可惜呢個景象不長久，不過唔緊要，有呢一刻已經好好。第三位係咩呀夫人？
就係DJ SoSo - Exam後的PARTY!。soso你擺呢篇日記響第三位，睇黎你呢日玩得好開心喎~
S：哈哈，當然！我真係好多謝alice請我去佢屋企玩，可以同成班人玩大富翁，對於我呢個獨生子黎講，實在太美妙。
利：考完試，由朝玩到晚，真係爽到爆啦。
S：佢地都係我最好既朋友，好享受同佢共渡歡樂時光…仲有兩篇日記喎夫人。
夫：珍貴日記第二位！嘩呢次經歷對你有好大影響喎soso…DJ SoSo - PolyU Great Young Entrepreneurs!(2)。
S：經過今次，我對「朋友」呢樣野有新既體會同感受，我明白到要識朋友，唔一定要局限於眼前既範圍，退一步，見下世面，好容易遇上好既同件。當然啦，我有D內向，要佢地好動中意講野先得。
利：雖然今次真心放左朋友唔多，但已經令你獲益良多，有很深既印象。
夫：其實個英文課程本身既質素都唔差既，總言之係一次好好既經歷。
S：最後到珍貴日記第一位！等我宣佈：DJ SoSo - 820 4D Gathering and 森小歌劇團。
夫：嘩，其實我地都唔駛講咩野。森美小儀歌劇團本身攞硬金馬桶網誌獎，加上果日soso有成班同學幫佢同八月壽星慶祝生日喎！
S：係呀，我日記都寫左。我係第一次有咁多同學同我慶祝生日，而且對我黎講係個驚喜黎。玩玩下途中唔見左其鋒佢地班人，原來係去左拎幾排野飲同兩個大蛋糕黎！我依家要補番向佢地講聲多謝，辛苦晒佢地。
利：又係由下晝玩到夜晚喎！真係羨慕死人。
S：多謝Terry陪我夜晚去理工睇舞台劇，開頭聽佢講話佢睇開香港話劇團，我真係有D怕果晚既show會有D cheap。好彩，最後佢都中意。成班觀眾嘻嘻哈哈就過左一晚，呢日真係令人回味呀。
夫：所以你都講過8月20日係2010年最開心既日子！
S：哈哈，無錯！
利：好啦好啦！八篇珍貴日記全部宣佈晒，多謝晒soso，多謝晒大家。
S：亦要特別多謝睇過我日記既朋友！今年其實可謂悲喜交集。但今日傾左咁多篇咁正面咁positive既日記，我成身充滿正能量呀！暫時蓋住我黑暗既一面嘻嘻！
夫：好啦，時間差唔多嘞，金馬桶要響出年再同大家見面喇喎！OK？
利：出年第七屆再會！多謝晒！
(三人起身走出舞台，大光燈熄滅，意味節目的結束。)
* * *
虛幻故事純屬虛構
熱切鳴謝：正觀看此網誌的您！
出品人/舞台總監：SoSo
一唱動人：SoCWon
Group
天生一對金牌司儀：利孝和 夫人
二部合奏：YouTube
留言列表