臭狐佬軟糖味龜苓膏 特約:
《SoSo
Blog第五屆網誌金馬桶頒獎典禮》PART THREE
(蘇撕樂園的Star House裡坐滿來自五湖四海的各路人馬,熱切期待一年一度的盛大節目…)
(利孝和和夫人站在後台的升降台,升上上面的舞台)
觀眾:Wow!Woo!~
利孝和:好野!大家好!Yeah!
夫人:今日黎到頒獎典禮既壓軸戲肉,就係頒獎過去一年黎soso blog劇既獎項…
利:包括最歡迎角色金、銀獎,最佳演員金、銀獎,年度最佳blog劇…
夫:同埋宇宙無敵至尊鈦合金鑽石鉑金馬桶獎!
利:好啦,今年「蘇撕樂園」總共有4套blog劇,參與演員及工作人員超過十多個…
夫:一齊競逐呢6個獎項,睇下最後邊個會成為獎項大嬴家!
利:即刻頒獎最受歡迎角色銀獎!
夫:得獎既係…我地既老朋友!凡人蘇!
觀眾:Wow!(拍手)
利:有請「新疆鴨仔團」主角凡人蘇,講下得獎感受。
凡人蘇:多謝大家支持!「新疆鴨仔團」可以做到咁奈,都係多得大家!
利:好!唔該晒凡人蘇!
夫:接住落黎頒獎最受歡迎角色金獎!
利:得獎既係…嘩!係非常可愛既Little Diamond!
夫:有請「俚語教室」小主持、Miss Diamond契仔--- Little Diamond!
Little
Diamond:(驚訝)嘩!…係唔係爆冷呢?我完全無諗過會攞獎…
觀眾:哈!~
L:我仲只係拍左兩集…好開心!呢度我真多謝Miss,我想將呢個獎送俾佢!Miss!
(Miss
Diamond在台下大獻飛吻)
* * *
(廣告)舞台劇「勁金歌曲」續集---「勁抽金曲」!$450-$20門票現於益達票有售!
(尋人啟事)是旦阿叔去左邊?Crying姐又去左邊?
(分類小廣告)我有一個靚靚老公,唔話你聽佢係邊個!
* * *
夫:繼續今晚既頒獎典禮,依家要頒發最佳演員金獎。
利:最佳演員獎不分性別,係頒發俾響blog劇入面最落力演出,表現最受注目,同埋最值得嘉許既演員。
夫:銀獎得主係…
利:「方師傅無聊大鬧謬論學堂」既主角---「方師傅」!演員係雷少!
夫:相信大家都睇過佢既精彩演出!
利:果然係屈機之作,雷少!講下你既得獎感受。
雷少:好開心大家仲記得我!好奈無見!Wow!…希望我可以繼續拍劇…多謝大家!
利:嗯,跟住就係金獎喇。
夫:好開心呢個獎由兩個人一齊奪得!雙金獎!鬼線人同埋長頸鹿!
利:「詭異怪嚇」呢套劇雖然得4集,但係好受「蘇撕樂園」既人既歡迎!
長頸鹿:哈!好多謝大會!我無諗過會攞呢個獎架!…喜出望外…
鬼線人:我地之前諗住攞獎既係嘉賓主持…
長:例如貞子丫,冰賓波丫…佢地為節目真係付出好多。
利:今日佢地都黎齊喎!喂!三位好!(向台下揮手)
夫:唔該晒你地兩位!好,緊張時刻又黎喇…
利:究竟年度最佳blog劇同埋宇宙無敵至尊鈦合金鑽石鉑金馬桶獎會花落誰家呢?
夫:廣告返黎話你知!
* * *
(廣告)你老幾燕窩滋陰丸,真係有效!
(廣告)想知道王貽興有幾作狀?即刻買本王貽興勁作狀寫真連小說集啦!
(廣告)睇完今晚節目,記得追睇卡通片「我們這棵花」!
* * *
利:快快趣!今晚我地overtime左!
夫:年度最佳blog劇!…嘩!好緊張呀哈哈!…
利:「新疆鴨仔團」!
觀眾:Wow!(拍手歡呼)
利:有請「新疆鴨仔團」一眾台前幕後既工作人員…
夫:當然唔少得鴨仔團,鴨仔隊長,同埋主角凡人蘇!
利:嘩!好多人呀呢度…哈哈真係好多鴨仔…
導演柯金:今年我又有機會上台接受獎項,好正!
監製99號仔:呢個節目拍左一年幾,係「蘇撕樂園」每個人既心血結晶!
夫:凡人蘇可以唔駛講感受喇,請你留步。
凡人蘇:吓?咩事?
利:因為今屆既宇宙無敵至尊鈦合金鑽石鉑金馬桶獎得主,就係你!凡人蘇!
(「Bomb」的一聲,舞台四周爆發了煙火幻彩)
凡:(興奮)吓?
夫:無錯呀!你成為今晚既大嬴家喇!
凡:嘩!…哈!…我都唔知講咩好!…我既努力無白廢到!多謝!
夫:雖然套劇出年就會結束,但係我地會記住凡人蘇,同埋「新疆鴨仔團」架!
利:好喇,依家有祝酒儀式,歡迎「蘇撕樂園」仝人一齊上台祝酒!
夫:今晚D煙花好靚呀!映襯我地呢度Wonderland Castle,so good!
利:無錯!今晚好開心呀!網誌金馬桶頒獎典禮,要於明年11月再同大家見面!
夫:我地係金牌司儀,你睇緊由臭狐佬軟糖味龜苓膏特約---SoSo Blog第五屆網誌金馬桶頒獎典禮 PART THREE!再會!
(司儀鞠躬,觀眾拍手歡呼離場,大會播放本年慶典主題曲…)
「SoSo Good」(短篇版)
(改編自無線電視節目「蘇 Good」主題曲)
改詞:soso 改編監製:Ray少~
又一年喇 要寫Blog求其唔啱
日日節目豐富 又Gag又劇
跟住So-So 入黎慶典
快D埋黎睇 Hap-py Ho-ur
恭喜So’s Blog 生日快樂
跟住個節目 笑到爆肚
咋咋淋啦 去歡送蘇撕樂園
留言回應支持 感激不盡
So-So
So Good.
* * *
虛幻故事純屬虛構
熱切鳴謝:正觀看此網誌的您!
24小時密密送主辦:soso blog (So’s Funland) (a
member of SoCWon Group)
一路支援場地贊助:So’s Funland Wonderland
Castle
天生一對金牌司儀:利孝和 夫人
天才場地指揮總監:零時零分鬼線人
後台二師兄編導:Ray少~
幕後大哥大監製:soso
留言列表