DJ SoSo - 小學同學聚會－The road to success is always under construction.

"DJ SoSo 每一天的主題曲"

31/1/10 熱

上一次同班小學同學聚會,已經係兩年半前BBQ喇,估唔到今次有廿二個人出黎,多過上次好多.大部分人個樣都無乜點變,好在我仲記得呢炸人既名.

一個月第二次去明苑,更加估唔到今次分兩張細檯連著一張大檯黎坐,我同蔡春李兆早到,坐埋一齊.正如蔡春所講,幾個麻甩佬真係坐錯位喇,我發覺小六真正熟識知心既坐晒響另一邊,有D後悔無坐女仔果邊.其實讀同一中學既都坐埋一齊喇,雖然同呢班男仔熟,但係覺得真係浪費左今次聚會同舊朋友聊天既機會,搞到最遠呢圍檯好似搭檯咁.

結果成餐飯無同另一面既fd傾計.正當臨走尷尬之際,估唔到billy響我後面同我講我好高,結果開始同billy同公仔面傾計,呢段時間反而係我最開心既一刻.雖然講唔到十句,因為大家都要走了,唔緊要,至少維繫到關係已經好好.

又係企響呢個死角,我諗永遠食完明苑影相都要自動去呢個位置喇...

......

最近讀通識,學到獨生子係響人際關係上有問題.我亦明白了,小六果陣我的確同班上某d人唔啱key,果陣時亦的確有小圈子,我果陣就夾響兩邊中間,所以有d人係唔中意我.哈不過疑似死對頭今日無黎到,一個唔抵得我既人就有黎,小六係咁,中四都係咁.哈哈邊個係人邊個係鬼我唔識一眼都睇得出.雖然大家都笑我高,嘲諷唔敢企埋我度,不過我知講到底佢地都係講笑,反而有d人做埋d有骨既野,都過左幾年啦,d思想仲咁幼稚,唉我都唔理咁多.

我承認,小六果陣我係幾寸下,無乜禮貌,都hurt左d fd,不過希望佢地可以原諒我,我係因為同佢地熟先會愈黎愈寸,如果熟悉我,應該知道我係同唔熟既人勁斯文,但係同熟既人玩得勁癲勁喪.好在,今次大家肯放下懷抱,重新組織友誼,我都唔再怕失去黎d好朋友.

我知道同小學班人唔會熟架喇,所以升上中一第一件事就係有禮貌d,打好關係,少少奉承係需要,雖然我愈黎愈覺自己虛偽,不過暫時都無死對頭丫......

我估下一次出黎應該係下一個兩年半,正正係考完中學文憑試,齊齊升大學之際(如果可以的話),希望到時同舊朋友既感情可以更進一步!

最近再次喜歡聽日文歌,包括YUI,alan阿蘭,中島美嘉.先播中島美嘉的一首歌---Orion.唔太明首歌講乜,只要好聽就得喇.