有無痴線收費電視台 特約：
《SoSo Blog第五屆網誌金馬桶頒獎典禮》PART ONE
(蘇撕樂園的Star House裡坐滿來自五湖四海的各路人馬，熱切期待一年一度的盛大節目…)
(利孝和和夫人站在後台的升降台，升上上面的舞台)
觀眾：Wow！Woo！~
利孝和：好野！大家好！Yeah！
夫人：一年貶下眼就過去喇，我好掛住大家呀真係…
利：今年係蘇撕樂園既最後一年，究竟我地呢個頒獎典禮仲會唔會於出年舉行呢？呢個暫時大家都未知。
夫：不過soso blog會繼續運作，繼續發放不同精彩繽紛既網誌！
利：今年我地一共會頒發十八個獎項，打破歷年紀錄！頒獎既獎以定期節目為主，亦有五個日記獎項。
夫：雖然有D人話我地係分豬肉獎，但係我地咁做係要表揚同紀念過去一年來唔同網誌為「蘇撕樂園」帶來既成功。
利：而且…(笑)而且下一年既網誌全部都會係由SoSo親自操刀製作，其他同事無得攞獎架喇。
夫：咁佢地做咩呀？炒晒呀？
利：老實講，佢地會解散，不過某D應該會繼續退守幕後，默默支援soso blog。
夫：嗯，咁我地轉頭番黎就宣佈第一個獎項---最佳爛gag！
* * *
(廣告)想睇靈異野又想學英文？買不可思議ABC字典啦！
(廣告)無眼睇美容店keep fit瘦身療程一個月只售$8888！痴線！冥通咩？…係套服務只售十萬九千七！
* * *
夫：金馬桶典禮可謂見證soso blog三年來既轉變，每年都有唔同既定位。
利：係呀，今年主要集中響特定既節目…依家就頒發最最佳爛gag…響過往咁多集既一週爛gag王中，最佳爛gag係…
夫：於19/5/09發表既第28集爛gag！創作人係我地既老闆SoSo！
利：提提大家，綠色既字係條link黎架，大家可以click入去慢慢睇！
夫：請SoSo上台即場搞番呢個爛gag！
SoSo：多謝大會揀呢個gag做最好！…請問大家，學生表現好，老師會送咩燈俾學生呢？…唔知？…無反應？…答案係Well done(燈)呀！多謝！
觀眾：哈哈哈…(拍掌)
夫：跟住我地頒發最佳社會熱話主題，呢個獎係頒發俾最貼及社會大眾流行時事題目既網誌。
利：其實都有好多篇作品入圍架，今次得獎既係於14/10/09發表既第70集何韻詩演唱會！有請giraffe長頸鹿~！
長頸鹿：呢個獎真係好難攞架，好具競爭性。好彩，俾我得到！多謝大會！多謝支持我既你地！(高呼)
(觀眾拍手)
夫：派獎唔好停！即刻頒發珍貴日記第5位！得獎既係…27/12/08…Football Club親身上場,大埔對南華！
利：請後台既BB娃娃菜上台，為呢個於27/12/08上載既網誌攞獎。
BB娃娃菜：長頸鹿話社會熱話獎競爭激烈，我話日記獎仲激烈！我好榮幸得到呢個獎！
夫：好喇！監製你係時間返去後台喇…因為我地要去廣告！
* * *
(廣告)巨大小人國誠邀巨大既小人，包括辦公室既小人，加入呢個神秘組織！
(廣告)你愛黑澀會，我愛核凸cutie會！…又係神秘組織？
(廣告)無錯呀！又係神秘會呀！我地係救救地球外星人協會！外星人黎啦！
* * *
利：今晚最後三個獎項！珍貴日記第4位！…係Ray少~於11/8/09發放既…
夫：10/8/09...去apm唱K(暑假最後22日)...！
Ray少~：得到呢個獎，真係好正。我好high呀！(大叫)
(觀眾拍手歡笑)
利：唔該晒！我地快D頒埋珍貴日記第3位！
夫：嘩！呢篇日記寫於26/10/09，叫做25/10/09...風紀隊訓練「刑」...。
利：上黎啦！ 柯金 先生！
柯金：希望大家知道，得到呢個獎，唔單止高興，仲係表示要愛你地既生活，love your life。
利：嗯，多謝你呢番話。
夫：最後珍貴日記第2位！Wow呢個可算係「蘇撕樂園」一年來第二篇最好既網誌！
利：咁重量級既獎項，得獎既係…
夫：老闆SoSo分別於10,11, 15/5/09寫既8/5/09...好多謝安琪吶喊演唱會...PART ONE TWO THREE！好波！請上台！
SoSo：多謝！呢個獎咁珍貴，我一定珍而重之！我會繼續努力架！Bye！
(SoSo手持金馬桶下台)
夫：哈哈今日好開心，頒左6個獎。本節目PART TWO同PART THREE會專注頒發一年來BLOG劇既獎項！
利：仲有超級珍貴日記獎！
夫：今日講住咁多，我地係利孝 和同埋 夫人，你收睇緊既係…
利和夫：(齊聲)有無痴線收費電視台特約---第五屆網誌金馬桶頒獎典禮PART ONE！再會！
(司儀鞠躬，觀眾拍手歡呼離場，大會播放本年慶典主題曲…)
「SoSo Good」(短篇版)
(改編自無線電視節目「蘇 Good」主題曲)
改詞：soso 改編監製：Ray少~
又一年喇 要寫Blog求其唔啱
日日節目豐富 又Gag又劇
跟住So-So 入黎慶典
快D埋黎睇 Hap-py Ho-ur
恭喜So’s Blog 生日快樂
跟住個節目 笑到爆肚
咋咋淋啦 去歡送蘇撕樂園
留言回應支持 感激不盡
So-So So Good.
* * *
虛幻故事純屬虛構
熱切鳴謝：正觀看此網誌的您！
24小時密密送主辦：soso blog (So’s Funland) (a member of SoCWon Group)
一路支援場地贊助：So’s Funland Grand Hall
天生一對金牌司儀：利孝和 夫人
天才場地指揮總監：零時零分鬼線人
後台二師兄編導：Ray少~
幕後大哥大監製：soso
留言列表